Matiu 7:25 - Vato Vari Vakameka Voru Ia Batu Ne

²⁵ I lama nare mana kiale lavata, mana sokoro lavata i lama vae pade ne, do ki soru kaega, tanego i degere vanadue ipaka ne.

Matiu 7:25 ပူးပေါင်းရင်းမြစ်များ

Matiu 16:18

Iago ma sine nigo Saimon ninidena vitoṉomu, Pita mana aro qo bakoso, mana popokona to bakoso nae era tuna va degere ze go zazu na eklesia era, go karaputa ia le ba kaki pata napu tiniki sivala ne kaega eklesia era.

Matiu 7:24

Jesu igo napu dena, “Basoe i gata go seko ro era mana lulua igogo ne, i gere basoe i nanao tarove go. Basoe i nanao tarove go i zazu ze pade ia popokona ipaka go tina nadu pade ia.

Matiu 7:26

Do basoero iri gere go basoe bulaṉoe, izazu ne ze go pade ia karakoni.

Matiu 7:27

I soru me nare lavata mana i kiale mana, i lama sokoro lavata vae pade ne gonae tapabala mana pade ne lete sakata to igo.”

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Kolosia 2:7

Vanadu ze too ramu de ikoego ia, zazu vanaduze pade ramu de i koego ia, mana vamoqere vaogoto ramu, gerena iri vatatana bana qamue go, mana osina ṉalu muna seko velake ia.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.