Matiu 7:22 - Vato Vari Vakameka Voru Ia Batu Ne

²² Ṉalu tina doka musaqara God tina toere go too ria basoero iri koe vudu pua, topu basoero era, tarina vane ava dena, Aro to qo Batu remu. Loborona vitoṉomu aro qemu sine vasadake go seko ia God. Mana karaputa raro qemu kakale qira ego manuru sakata ro ne mana qi zazu ne zego topu na ro, pata vari va nureke.’

Matiu 7:22 ပူးပေါင်းရင်းမြစ်များ

Matiu 10:15

Masine ne qamu pata ogoto, ṉalu na musaqara varitanae ia God, kimata tarina pala go basoero na komala nae tina sivala ne kimata ria vano na komala Sodom mana Qomora.”

Matiu 24:36

Jesu i sine napua, “Patavolomo aqeloro iri koego rani ne, mana era Tuna basoe go, qimuki rove so kaega musaqara na ba torana ṉalu, na go, do tanuna so Mamae i rove go.

Matiu 25:11

Taramuzina to nae, ria kene taralima ne iri lama doka to, ‘Batu, batu! va keba qemu!’ iri go.

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Luka 10:12

Ma sine ne qamu, ṉalu musaqara muzimuzi kimata ria vano na komala nae, tina lete lavata sivala ne qira vano na komala Saidon!”

Tarama Velaka Ia Jesu Kristo I Karo Go Jon 11:51

Kaipas iki pala nanao ne kaega tanuna seko dena, ia i Batu lavata ria patere ro ave nae, iago i seko ne pataro tinara sadaka me, sauna Jesu tina le go tina tavisi qira vano Jiu.

Kameka Tesalonika 5:4

Do ramu vakitaka ro era, qamuki koe kaega rodoko, iago musaqara nae tiniki lama vapoloso qamu kaega, gere valeke sikosiko ilama mana vapoloso qamu go.

Karua Tesalonika 1:10

Ṉalu ia tina lama go musaqara nae, Osina basoero ia tarina vazaka ia, mana basoero iri vaogote go ia tarina lete va batua ia, ṉalu nae. Mana ramu napu to go tamuna ko tavisi qira ria, tanego qamu vaogote Tarama Velaka ro qimu sine ne qamu go.

Karua Timoti 1:12

Pata nae to era qa gata vokara ne go de, do qaki agava ne kaega, tanego qa rove velake basoe qa vaogote go. Mana qa rove ia tina miasoka velake Tarama Velaka dena i taru ze de qa koego, go tina za doka so musaqara muzimuzi go.

Karua Timoti 1:18

Torana qa koego era Epesus, ia i lete tavisi vavelaka nava era. Iago era qa pene Batu ne mara nanao ule ne mana manava ne ia ṉalu musaqara muzimuzi.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.