Matiu 7:21 - Vato Vari Vakameka Voru Ia Batu Ne

²¹ Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Matiu 7:21 ပူးပေါင်းရင်းမြစ်များ

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 18:19

Mana ma sine napu ne qamu, ṉalu kaki tararua raburu qaburu vari toqe ne pene na kaki pata. Mamae ikoego rani ne tina teke ne qaburu pata qaburu pene go.

Matiu 18:3

Mana i sine ne qira, “Ma sine ne qamu pata ogoto, ṉalu qamuki kavale kaega vatovato ramu, mana gere qira kaega salero suka gogo ne, ramu tamuniki mazala kaega keba zana Too de ikoego vari miasoka ia God.

Matiu 18:35

Iago Jesu igo, “Mamae ikoego rani ne tina go napu so, ṉalu qamuki nanao ule ogoto ne qira kaega onotoqamu ro.”

Matiu 19:24

Ma sine patu, napua kameka kamolo i makure tina surae go talopana nila sisira, do i lete makuru sivala to vano vavagado tarina keba za go Too ikoego vari miasoka ia God.”

Matiu 25:10

Iago kalima qolero bulaṉoi ne iri za volia to tala ria. Torana to iri zaza go ria, valeke i vanama nego busi ne i lama doka. Ria kalima qole ro tarove ne, iri za soba ia mana iri lulua ia go, iri keba za pade tarina teṉoe go sauna vari vabusi ne, mana siporaṉa ne iri kokoquato go.

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Matiu 26:39

Iziki za desuka i soru kapata za pua ne mana i pene, igo de, “Ke! Mamae ṉalu go qo toqe nego, pala vakuziki ne kapu na vokara dena deqa koego era, do iniki lulua pata qa soko go era, do ina lulua so pata qo soko go aro.”

Matiu 26:42

Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.”

Maka 3:35

Basoe izazu ne to pata isoko go God tarina kanae ro, kaequro mana vavaniqu ro go.”

Maka 9:47

Ṉalu karua matamu i vakuziki nego vaogoto aro, ono lobiki vakuziki ne, itora so kameka mata mara ko nigo, mana go tono keba zago Too ikoego vari miasoka ia God. Tanego ilete sakata sivala ṉalu i soma go karua matamu mana za kebae na nako iki rove go kaega le.

Luka 11:28

Do Jesu i vataule ne ia, “Kula ria iri gata seko ia God, mana iri vaogote go!”

Luka 13:25

Ṉalu valeke batu na pade i degere i kokoqua siporaṉa ne, ramu tamuna degere me peka ne mana kekeqere siporaṉa ne mana tamuna sine me, ‘Papaqa siporaṉa ne batu,’ Do ia tina vane qamu dena, ‘Era qaki rove kaega kade qamu reqe mego.’

Luka 18:25

I makuru sivala napu kamolo tina surae go talopana nila sisira, do ilete makuru sivala ne basoe vavagado tina keba zago Too ikoego vari miasoka.”

Luka 6:46

Jesu i sine napua, ‘Avigo tane qamu koru ve era, ‘Batu, Batu,’ do qamuki zazu ne kaega pata qa sine ne qamu go era?

Tarama Velaka Ia Jesu Kristo I Karo Go Jon 14:7

I sine napu ne qira, igo, “Qamu rove ava era, iago qamu rove napua so Mamae go, pasi ninidena popoka gogo ne, ramu qamu rove Mamae mana qamu mia ze Mamae loborona era go.”

Tarama Velaka Ia Jesu Kristo I Karo Go Jon 15:23

Basoe iki soko ava go kaega era, iki soko napua so kaega Mamae go.

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Tarama Velaka Ia Jesu Kristo I Karo Go Jon 5:17

Do Jesu i vataule ne qira igo, “Mamae ne, osina ṉalu i zazu, iago era do, tuna go napu so.”

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 2:13

Tanego, gata na so kaega Tamana basoe i totoloṉoe de ikoego God, do ia tina zazu ne mana lulu a go pata ro i sine go Tamana.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 4:3

God isoko too ramu mara tabo, mana ramu muna ko talukase tepa ia too na vari vagabu.

Kameka Tesalonika 5:18

Muna seko velaka zaqe God sauna osina pata ro i doka go osina ṉalu. Ia to nae pata i soko qamue go God, loborona too qamu vari vakamekae de ikoego Jesu Kristo.

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Iburu 4:6

Ria iri gata kenaqe go Tarama Velaka ne iriki pala kaega ziṉo igogo ne, tanego iriki vaogoto kaega. Dc i ko kakiaro basoero God i toqe ne qira tarina pala ziṉo dena de i koego tanuna.

Jemisi 1:22

Kasi gatavana ne so, seko ia God qamu gata go, do muna zazu ne pata ni sine go.

Kameka Pita 2:15

Tanego God i soko qamue loborona zazu velaka ramu go mara va dudulia seko bulaṉoe ria vano iriki rove go kaega kapata.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Revaleson 2:27

Mazala tarina kenaqa ne ze go vudu ro ne, tarina va pela kerone karaputa ro, gere ṉalu qata puaka mumuzale go sareke pua ne.

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.