Matiu 7:15 - Vato Vari Vakameka Voru Ia Batu Ne

¹⁵ Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Matiu 7:15 ပူးပေါင်းရင်းမြစ်များ

Matiu 10:17

Muna miasoka qira basoero ne, ria tarina pala qamu mana vazao qamue varitanae ne, mana tarina za sima qamue loborona pade lotu ria go,

Matiu 16:11

Era qaki sine ne qamu kaega ramu sauna bureri. Avigo qamuki nanao rove kaega? Era qa sine ne qamu, go muna miasoka mana bara ne tanuqamu de ikoego isti ria vano Parisio mana vano Sadusi go.”

Matiu 16:6

Gonae Jesu i sine ne qira, “Muna miasoka, mana bara ne tanuqamu, de ikoego isti ria vano Parisio mana vano Sadusi go.”

Matiu 24:11

Goto nae topu na propeta poqepoqe ro tarina sadaka me mana topu basoero tarina vaogote vari vatatana poqepoqe ro ria go.

Matiu 7:14

Do siporaṉa i luluza de ikoe too ogoto i siporaṉa suka so. Mana zuka ilulu za dekoe too ogoto ilete makuru sivala. Kavia ria so basoero iri soba go zuka igogone.”

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 6:26

Manava sakata de qamu koego ramu ṉalu basoero iri go ramu qamu vano velaka, kakazigarata ṉalu bana do, iri sine napua so seko velaka de, de iri koego propeta poqepoqe ro ṉalu bana ne.”

Tarama Velaka Ia Jesu Kristo I Karo Go Jon 10:12

Ṉalu kaki basoe zazu iri volia so, sauna miasoka na sipi ro ne, ṉalu sika piru ro iri lama, ia tina paqa kasi ne qira sipi ro nae, mana sika piru ro tarina lama pala mana vae vale kakiaro sipi ro, tanego basoe nae iki toṉove kaega mana ki rove kaega de go miasoka na sipi ro.

Zazu Ria Apostoloro 13:40

Iago ramu muna miasoka, niki go pataro iri sine bana go propetaro ne lama ogote de qamu koego,

Zazu Ria Apostoloro 13:6

Ria tarapisa iri piqata mana siporo za kene tepana nugu Papose. De gogo ne iri soba ze kameka valeke Jiu vitoṉona Bar-Gesu, i vazazua manumanuru ia, mana igo, tanuna i valeke propeta.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Pilipae 3:2

Miasoka tanuqamu, de iri koego vano iri zazu ne go vatovato sakata, vano iri gere qira sika ro, mana ria iri toqe nego tarina kosi va takaba go tokamana qira.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Karua Timoti 3:13

basoero sakata iri zazu tatakiu go, iri poqe taru qira basoero ne, mana tanuqira do tarina vaogoto napua seko poqe ro iri zazu ne go.

Karua Timoti 4:3

Tanego tina lama doka ṉalu basoero ne tariniki gata kaega vari vatatana ni ogoto go, do tarina lulua so pata iri soko go tanuqira, tarina taqi qira soso vano vari vatatana ro, go tarina gata vari vatatana iri soko go tanuqira.

Karua Pita 3:17

Do ramu turaquro, qamu rove bana pata ro dena. Iago muna miasoka va velaka napu qamu tanuqamu, niki go toqo va kasi ne qamue vaogoto qamu pala bana go.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.

Revaleson 16:13

Gonae qa mia napua kapisa manuru sakata iri mimia gere pori ne, iri siporo me saqena propeta poqepoqe ne go.

Revaleson 17:6

Mana qa reṉa ne qole ne i ge loka bulaṉoe ne, tanego i ge parasa qira basoero ia God, mana parasa qira basoero iri lulua go Jesu. Qa lete poloso sasakata, ṉalu qa reṉa nego ia igogo.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.