Matiu 7:13 - Vato Vari Vakameka Voru Ia Batu Ne

¹³ Jesu i sine napua, “Muna keba goza loborona siporaṉa suka. Zuka ilulu za nako ne i papaqa lavata. Topu ria basoero iri keba goza siporaṉa gogone.

Matiu 7:13 ပူးပေါင်းရင်းမြစ်များ

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 3:8

Muna zazu ne pataro go i mazala vasadake na, go ramu qamu manava sakata ne vasakata pataro ramu.

Matiu 7:14

Do siporaṉa i luluza de ikoe too ogoto i siporaṉa suka so. Mana zuka ilulu za dekoe too ogoto ilete makuru sivala. Kavia ria so basoero iri soba go zuka igogone.”

Luka 14:33

Gerena napu so ramu,” igo Jesu, “kaega kaki kameka ramu tina disipolo era ṉalu iki tarua kaega pataro i toṉove go.”

Luka 9:33

Iru kasi neto riru ia, ko Pita i vane de Jesu, “Batu, ilete velaka sivala qata koego dena, remu mi zazu ne kapisa pade, kameka ke aro, kameka ke ia Mosese mana kameka ke ia Ilaiza go.” Iki rove so kaega kapata ni sine go.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Zazu Ria Apostoloro 3:19

Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.

Leta Ia Pol I Karo Ne Qira Basoero Na Rom 9:22

Gerena napu so God. Ia i soko vasadakena muma ia, mana isoko vamia qitae karaputa ia. Do ia i pala tarua muma ia de iriki koe go ria ikoego muma ia. Patavolomo i muma vasakata ne qira go.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 6:17

Iago Batu ne igo, “Taru qira mana ko vakakavata e de iri koego. Muniki zazu tavisi pataro iki dalo go kaega, go era tuna kula ne qamu.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 20:3

Gonae aqelo ne i vanaqe zaqe Satana ne bolu na uṉaṉa ne, mana iva roroto vanadua siporaṉa na. Go Satana ne tiniki va soru qirae kaega vasakata pata basoero ne. Do taramuzina kameka mao masirani, ria tarina va sipore Satana desuka so ṉalu.