Matiu 7:11 - Vato Vari Vakameka Voru Ia Batu Ne

¹¹ Patavolomo ramu qamu ki vano totoloṉo kaega do qamu rove pata velaka so tamuna tekene sale ro ramu. Iago God Tamaqamu ikoe rani ne i lete velaka sivala go tina tekene qira pata velaka ria iri pene ze ia kakia pata.

Matiu 7:11 ပူးပေါင်းရင်းမြစ်များ

Matiu 23:9

Muniki koru ze kaki basoe na vudu pua dena, tamaqamu, kameka so basoe i Tamaqamu go, iato ikoego rani ne.

Matiu 7:10

Ba i mazala tekene sale ia dole, ṉalu i pene inana?

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Leta Ia Pol I Karo Ne Qira Basoero Na Rom 3:19

Ninidena ita qata rove osina pata i koe so loborona tamana, mana i zaeto de iri koe go vano iri too e go polana tamana go tina vamamanava go osina seko vavariqo ria basoero ne, mana vasadaka me varitanae ia God de iri koego basoero na vudu pua.

Leta Ia Pol I Karo Ne Qira Basoero Na Rom 3:9

Iago ita vano Jiu qata lete velaka sivala ne qira vano iriki Jiu go kaega ba? Kaega! Era qa sine vasadaka bana, vano Jiu mana vano iriki Jiu go kaega iri varipada so, mana iri ko lupoe so karaputa ia vasakata pata.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Qalesia 3:22

Do Buka tabo ne igo, “Osina basoe iri koego vudu pua iri koe to karaputa ia vasakata pata.” Iago sosovolomo ia God i pui bana mego de ikoego vano iri vaogote go Jesu Kristo, iteke ne qira to ria iri vaogote go ia.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Kameka Jon 3:1

Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.