Matiu 6:9 - Vato Vari Vakameka Voru Ia Batu Ne

⁹ Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Matiu 6:9 ပူးပေါင်းရင်းမြစ်များ

Matiu 10:29

Qamu rove, karua tunana kurukuru iri mazala voli ze karua senti. Patavolomo nae, ṉalu God tariki vamao go kaega, i makuru tarina le go karua pale de.

Matiu 23:9

Muniki koru ze kaki basoe na vudu pua dena, tamaqamu, kameka so basoe i Tamaqamu go, iato ikoego rani ne.

Matiu 26:29

Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”

Matiu 26:42

Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.”

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Matiu 6:14

Pata ogoto sivala, ṉalu qamu nanao ule ne qira basoero iri vasakata qamu, God Tamaqamu ikoego rani ne tina nanao ule ne qamu sauna pataro qamu vasakate go.

Matiu 6:6

Ṉalu qamu pene go, za koe kova ramu mana kokoqua siporaṉa. Gonae munara pene go Tamaqamu qamuki mia go kaega, mana Tamaqamu i mia go pataro qamu zazu pipika nego, tinara voli qamu.

Matiu 7:11

Patavolomo ramu qamu ki vano totoloṉo kaega do qamu rove pata velaka so tamuna tekene sale ro ramu. Iago God Tamaqamu ikoe rani ne i lete velaka sivala go tina tekene qira pata velaka ria iri pene ze ia kakia pata.

Luka 15:18

Ma degere mana ma ule za de ikoego mamae mana ma sine ne, “Mamae era qa kebue de ikoe God mana aro.

Luka 15:21

Sale valeke ne igo, ‘Mamae, era qa vasakata patae de ikoe God mana aro, iago ki tora kaega tono koru ve go sale aro,’

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Qalesia 1:1

Era Pol, kokoru qapala go iki reqeme kaega basoe ba vatovato ia basoe, do i reqeme de ikoego Jesu Kristo mana God Tamaqita, ivatoo napu me Jesu tepa lene.

Qalesia 4:6

Ita qata salesale ro ia God, iato go God i turi ne me Spirit na Sale ia, go tina lama koe loborona too ita. Mana Spirit nae ikoru, igo, “Aba, Mamae era.”

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Kameka Pita 1:17

Ṉalu ramu qamu pene go God qamu koru ze ia Tamaqamu, ia nae i vari pada neso osina basoe, do vivine ia so iara taru ze go nogotona basoero sauna pataro iri zazu ne go. Iago ko qamu ara vae go pua dena muna vazaka ia mana ko padapadae de ikoego ia osina ṉalu.

Revaleson 4:11

“Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”