Matiu 6:5 - Vato Vari Vakameka Voru Ia Batu Ne

⁵ Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Matiu 6:5 ပူးပေါင်းရင်းမြစ်များ

Matiu 21:22

Ṉalu qamu vaogote God, mana qamu pepene de i koego ia gogone, ia tina mazala so teke ne qamu pata qamu pene go.”

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Matiu 23:6

Ṉalu na kelo mana ṉalu na lotu gogo ne, iri soko so kolokue na vesu vela velaka ro.

Matiu 6:1

Jesu igo napu dena, “Vatovato velaka ro qamu zazu ne ze dekoe God, kasi vasadaka ze de in koego basoero ne sauna go mara mia pata qamu zazu ne go. Ṉalu qamu zazune vatovato igogo ne God Tamaqamu ikoego rani ne tiniki voli qamu kaega.

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:2

Iago ṉalu qamu tekene sosovolomo kakia basoe situ kasi pepeu na. Vatovato gogone iato iri zazu ne basoero poqepoqe loborona Pade Lotu mana zuka lavata na komala ne, go basoero ne mara va zakazaka qira iri go. Ma sine ne qamu pata ogoto, basoero nae iri pala bana to voli qira.

Matiu 9:38

Iago muna pene batu na barue ne go mara valama qira topu na vano zazu go tarina vaego pata gege na barue ia ni velaka go.”

Maka 11:25

Mana ṉalu qamu degere pene go ne, do ko nigo kakia basoe qo va muma go ne, ono nanao ule kenaqa ne basoe nae. Iato nae gogo Tamaqamu iko mego rani, tina nanao ule ne qamue go pataro qamu vasakate go.

Maka 12:38

Ṉalu iva tatana qira i vane qira dena, “Muna miasoka qira vano tarove na tamana iri vakeba ne roku loda ria mana iri ara telotelo go, iri soko basoero ne mara vamazala qirae de iri volivoli ne ze go pata ro.

Luka 11:43

Manava sakata de qamu koe ramu vano Parisio, qamu soko tarina vanama ne qamu vesu kolokoloku velaka loboro na Pade Lotu ne, mana ṉalu qamu zae de iri volivoli e go, qamu soko basoero mara va batu qamu, qamu go.

Luka 18:1

Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.

Luka 18:13

Do valeke palapala takisi ne, iza degere va laqalaqa me so, iki kadeka qe kaega rani ne, do ipuda bebenuna mana i sine, ‘God, nanao ule nava me, era qa valeke vasakata pata,’

Luka 20:47

Iri va bulaṉoe qira qolero nanaro mana iri pala siko qirae patapataro ria, mana ṉalu iri pene, iri vazakanapu ne pepene loda ro! Qamu rove, lepulepu ria ne tina lete lavata sivala.”

Luka 6:24

Do manava sakata de qamu koego ramu qamu vavagado go, qamu pala bana to kulakula ramu ninidena!

Tarama Velaka Ia Jesu Kristo I Karo Go Jon 16:24

Go I doka go ninidena, ramu qamuki pene ze so kaega kaki pata loborona vitoṉo qu era, iago pene go tamuna pala go, go kula ramu tina purake kulakula.”

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Kameka Tesalonika 5:17

Mana osina ṉalu muna pene.

Jemisi 4:6

Do mamaligara lavata ia God iva sadaka ze go de qata koe go ilete moqere sivala, gerena Buka tabo ne i sine go, “God iki soko qira kaega vano iri vazakanapu go, do mamaligara ia itaru ze de iri koego vano iri vaqoqore go tanuqira.”