Matiu 6:30 - Vato Vari Vakameka Voru Ia Batu Ne

³⁰ God iva malemale qira seuseu volomo ro iri podo ego dena, do seuseu ro dena tina ko aqe so desuka mana tarina le, mana basoero ne tarina vana qira qe nako ne. Iago avigo qamu nanao God tiniki vabaribari qamu kaega? Vaogoto ramu iara lete suka so.

Matiu 6:30 ပူးပေါင်းရင်းမြစ်များ

Matiu 14:31

Katikili so Jesu i kazara mana i pala zaqe karisina Pita mana i sine ne, “Vaogoto aro iara lete suka so! Avigo tane i ruama nanao mu na?”

Matiu 16:8

Do Jesu i rove pata iri vari sine ne, iago i tana ne qira, “Avigo tane qamu vari sine ne tanuqamu, i kaega go bureri? Vaogoto ramu i suka so!

Matiu 17:17

Jesu i vataule ne ia, “Ke! Ramu basoero na ninidena, too ramu ilete sakata sivala, mana qamuki vaogote kaega God go. Ava tina goto ka lete umata na ṉalu tuna ko tavisi qamu go? Ava tina goto umata na riqo tuna vae ne qamu go? Lulu valame ze dena sale valeke nae.”

Matiu 8:26

Jesu i sine qira, “Avigo tane qamu lete sareki go? Vaogoto ramu dekoe God i lete suka bana so.” Gonae Jesu i degere i sine ne sokoro mana tubitubina masi tina bule. Goto nae sokoro ne i mamanava to mana masi ne iara lete bule velaka to, igo.

Maka 4:40

Jesu i sine ne qira disipoloro ia, “Avigo tane qamu sareki gogo dena? Avigo qamu ara kaebo so vaogoto?”

Maka 9:19

Jesu i sine ne qira igo, “Ke basoero, ramu i kaega ne qamu vaogoto de ikoego God! Ava tina go to ka umata na ṉalu tuna ko tavisi qamu, go tamunara vaogoto go. Pala valame sale nae!”

Luka 12:28

God iva baribari qira go seuseu piru iri ko ninidena mana za kaega so bakubaku, iri subi qira aqe puluma na nako ne. Iago qamu nanao God tiniki va baribari qamu kaega? I lete suka so vaogoto ramu.

Luka 9:41

Jesu ivataule igo, “Ke ramu basoero dena, i kaega ne qamu vaogoto, mana qamu lete kebu sakata go. Ava tina goto ka umata na ko tavisi tuna vae qamu go?” Gonae i sine ne valeke ne, “Lulu me dena sale valeke aro.”

Tarama Velaka Ia Jesu Kristo I Karo Go Jon 20:27

Gonae i sine ne Tomasi, “Siba ze kakaraputumu dena, mana reṉa ne karisiqu de, Siba napu me orapaqu de, mana kasi ruama, do vaogoto!”

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Kameka Pita 1:24

Buka tabo ne igo, “Osina basoero iri gere so seuseu ne, mana osina menomeno ro ria iri gere so bubuili piru ro ne. Seuseu iri nala mana bubuili iri soru tadau.