Matiu 6:19 - Vato Vari Vakameka Voru Ia Batu Ne

¹⁹ Jesu igo napu de, “Muniki soti ze pata vavagado ramu pua dena, tanego kokorosi mana bebega tina mazala vasakate na mana vano sikosiko iri mazala papatena pade ne mana siko vavagado nae go.

Matiu 6:19 ပူးပေါင်းရင်းမြစ်များ

Matiu 19:21

Gonae Jesu i sine ne ia, “Ṉalu qo soko go lete velaka, za mana volivoli ne osina pata qo toṉove go, mana teke ne qira vano situ volina patapata ro aro, goto nae aro tono pala too vavagadona tepa rani ne, mana aro ono lama mana lulua va era go.”

Matiu 6:20

Do muna qoqoṉo ze pata vavagado ramu tepa rani ne, de go i kaega ka kokorosi na, mana ki mazala kaega tina bebega go. Mana tepa rani ne i kaega kaki basoe sikosiko i mazala go papate na pade ikoego pata vavagado ne.

Luka 12:21

Mana valupo lupona Jesu igo, “Iato nae de tina gogo basoe i teṉo ne go vavagado ia tanuna. Do tepa ia God, i kaega neso kaki vavagado ia.”

Luka 12:33

Volivoli ne osina patapata ro ramu, mana teke ne qira kesa na vano iri situ go. Pala tanuqamu pata tarutaru kesa iki rove go kaega taridaka, mana babana ze vavagado ramu rani ne, de iki mazala go kaega za qoqoro. Tanego i kaega ka basoe sikosiko tina pala go mana kokorosi tina va sakate go.

Luka 12:39

Mana ramu qamu mazala nanao rove na. Ṉalu valeke i toṉove go pade ia i rove bana torana valeke sikosiko tina lama kebae go pade ia. Ia tiniki mazala kaega va malumu nego pade ia tina lama keba ego.

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 18:24

Jesu i reṉa ne ia, ilete maqata mana i sine ne ia, “I makuru ria vano iri vavagado tarina keba zago Too ikoego vari miasoka ia God.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Iburu 13:5

Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”