Matiu 6:16 - Vato Vari Vakameka Voru Ia Batu Ne

¹⁶ Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:16 ပူးပေါင်းရင်းမြစ်များ

Matiu 6:1

Jesu igo napu dena, “Vatovato velaka ro qamu zazu ne ze dekoe God, kasi vasadaka ze de in koego basoero ne sauna go mara mia pata qamu zazu ne go. Ṉalu qamu zazune vatovato igogo ne God Tamaqamu ikoego rani ne tiniki voli qamu kaega.

Matiu 6:2

Iago ṉalu qamu tekene sosovolomo kakia basoe situ kasi pepeu na. Vatovato gogone iato iri zazu ne basoero poqepoqe loborona Pade Lotu mana zuka lavata na komala ne, go basoero ne mara va zakazaka qira iri go. Ma sine ne qamu pata ogoto, basoero nae iri pala bana to voli qira.

Matiu 6:5

Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Maka 2:18

Kaki kameka ṉalu vano Parisio mana disipoloro ia Jon go iri qaniqani. Gonae kakiaro basoero iri lama sine ne Jesu iri go, “Avigo tane vano Parisio mana disipoloro ia Jon go iri qaniqani do disipoloro aro iriki qaniqani go kaega?”

Luka 18:12

Qa qaniqani karua musaqara nogotona kameka vuiki, mana kaki takoboro suka na vavagado era qa sosovolomo ne go,’

Luka 2:37

Ia iki kasi ne so kaega Pade Lotu ne, kuse musaqara go i vazaka so God, i qaniqani mana pene go.

Zazu Ria Apostoloro 10:30

Konilias i vataule ne Pita igo, “Kapisa musaqara i sivala neto, i gere to torana dena, i kapisa kiloko era qa pepene loborona pade era. Qaki rove so kaega era do i lama sadaka so kaki basoe, iva keba ne poga i lete damara go, i degere tarakenaqaqu era,

Zazu Ria Apostoloro 14:23

Nogotona komala ne, iru vine qira kazigarata ro tarina kenaqa ne lotu, iri pepene, iri qaniqani mana iri teke ne too ria de ikoego Batu ne, tanego de i koe ia, iri taru ze vaogoto ria.

Kameka Korinti 7:5

Ramu qamu vano busi, kasi va makuru na tokama qaburu, ṉalu kakia i va kaega tokamana, go mara pepene igogo ne, i velaka so, taramuzina nae qaburu mazala kameka kamuku napu. Ṉalu tamuna zazu ne to iadena, ramu tamuna vasivala ne pada ro ia Satana, tanego qaburu ki karaputa kaega, niki go velaka raburu za kuziki.

Karua Korinti 11:27

Qa zazu vokara topu na ṉalu, qaki kamuku kaega, qaki ṉaṉa kaega mana qa kaṉoso go, topu na ṉalu i kaega nava pata gege, pade, ba poga tuna vazao go.

Karua Korinti 6:5

Iri sima qemu, iri taru qemue bara ne, mana basoero topu iri varitarae de qimu koego, qi zazu sivala qimuki kamuku velaka kaega, mana ṉaṉa velaka kaega go.