Matiu 6:14 - Vato Vari Vakameka Voru Ia Batu Ne

¹⁴ Pata ogoto sivala, ṉalu qamu nanao ule ne qira basoero iri vasakata qamu, God Tamaqamu ikoego rani ne tina nanao ule ne qamu sauna pataro qamu vasakate go.

Matiu 6:14 ပူးပေါင်းရင်းမြစ်များ

Matiu 5:7

Kula ria basoero iri manava ne qira ria kero ne basoero, God tinara manava ne qira taramuzina.

Matiu 6:12

Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.

Matiu 7:2

Tanego pataro qamu toere qirae basoero ne, God tina toere napu qamue ramu mana avana ka vatovato qamu zazune ze ramu dekoe basoero ne, iato vatovato nae to God tina teke napu qamu ramu.

Maka 11:25

Mana ṉalu qamu degere pene go ne, do ko nigo kakia basoe qo va muma go ne, ono nanao ule kenaqa ne basoe nae. Iato nae gogo Tamaqamu iko mego rani, tina nanao ule ne qamue go pataro qamu vasakate go.

Luka 6:37

Jesu i sine napu ne qira, “Kasi toere na too ia kene basoe, go God tiniki toere go kaega too ramu, kasi vapala ze na kaki pata basoe ne, go God tiniki vapala qamue kaega kaki kapata. Nanao ule ne qira basoero ne, go God tina nanao ule ne qamu go.

Epesus 4:32

Do muna vari nanao, mana varimanavae tanuqamu loborona puṉuqamu. Muna vari nanao ule tanuqamu gerena God i nanao ule bana ne qamue ramu, de koego Kristo.

Kolosia 3:13

Vari va nanao ule ne qiru ṉalu kaki karua basoe iru vari vasasakatae, mana ṉalu kake raburu qaburu vari va legu, buruna vari va nanao ule, gere Batu ne i nanao ule nigo.

Jemisi 2:13

Tanego varitanae ia God iki sadaka me kaega varinanao de ikoego basoe iki manava ne qira go kaega basoero ne, do ṉalu aro qo manava ne qira go basoero ne, aro tina kaega nigo so sareki dekoe varitanae ia God.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.