Matiu 6:13 - Vato Vari Vakameka Voru Ia Batu Ne

¹³ Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Matiu 6:13 ပူးပေါင်းရင်းမြစ်များ

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Matiu 5:37

pata mo sine ‘O’ ba ‘kaega’ ṉalu qo sine napua kaki pata kakavata, ianae i reqe me dekoe manuru sakata.”

Matiu 6:10

Go osina basoero mara koe loborona vari miasoka raro. Pata qo soko timuna zazu ze go remu pua dena, mara gere napua so pataro iri zazu ne ze ria rani.

Tarama Velaka Ia Jesu Kristo I Karo Go Jon 17:15

Qaki pene ge kaega tono vakuziki ne qirae go vudu pua dena, do qa pene go, ono bara ne qirae loborona karaputa ia Satana.

Kameka Korinti 10:13

Osina pata pada ro iri lama pada ne qamu, iri gerena so padaro idoka qira go basoero ne. Do ramu God i soti vanadua pui ia, mana iki vamalumua kaega kaki pata pada tina lama pada ne qamu ramu, tina sivale go karaputa raramu. Ṉalu ramu tamuna soba go pata pada, God tina teke ne qamu karaputa go tamuna vanadu taru, mana tina teke ne qamu zuka tamuna sipore go.

Kameka Korinti 14:16

Ṉalu qamu pepene mana seko velaka ne God, qamu seko ne seko kakavata, ava tina go ṉalu kaki basoe voru i garetu ko tavisi qamu, tina sine go “Amen!” Loborona pepene ramu. Ia iki rove kaega kapata qamu sine go ramu.

Karua Korinti 1:20

Loborona de ikoego Jesu, osina pata i pui nego God i lama voto lupo, iato go qata sine ‘Amen’ loborona vitoṉo na Jesu Kristo.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Karua Tesalonika 3:3

Do ramu muna ruqe Batu ne, ia tina vakaraputa qamu mana bara ne qamue, de ikoego karaputa ia satana, niki go vasakata qamu go.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Iburu 11:36

Kakiaro ria iri vakari ne qira mana sima qira go. Kakiaro ria iri qolo qirae seni mana taru qirae bara ne.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Karua Pita 2:9

Iago osina pataro dena, God i va mia qirae ria basoero velaka de go ia tina vakavele qirae go pata makuru tina lama pada ne qira go. Do vano sakata ne, tina vakimata qira, go tina doka ṉalu tina vakimate go osina basoero ne.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 19:1

Taramuzina pataro nae, qa gata naki igere qira basoero topu iri ko mego rani ne, iri go, “Mata vazaka God! Vari vakavele ita, vitoṉona na i lete mazala sivala mana i ko ne karaputa go

Revaleson 19:4

Karabete kavasi kazigarata ro ne mana kavasi pata qaraqara too ne iri soru rabava kapata mana iri vazaka God i koloku ego kolokoloku batubatu ia ne iri go, “Amen! Mata vazaka God!”

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Revaleson 21:4

Ia tina qulasa vakadale sone na mataqira. Kaega napu ka basoe tinara za le ba maqata ba dae mana vokara go. Tanego osina pata bana ro i kaega lupo to.”

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 5:13

Gonae qa gata osina pata too i vazaria go God, iri koego vudu rani, vudu pua mana vudu ria vano le, loborona masi ne mana osina dia kolaba ne go. Osiqira dena iri kera, iri go’ “De i koego ia i kolokue go de kolokoloku batubatu ia mana Tunana Sipi gogo ne, mata vazaka mana vabatu qirue sauna menomeno mazala mana karaputa riru i ko osina ṉalu topu ro ne.”