Matiu 6:10 - Vato Vari Vakameka Voru Ia Batu Ne

¹⁰ Go osina basoero mara koe loborona vari miasoka raro. Pata qo soko timuna zazu ze go remu pua dena, mara gere napua so pataro iri zazu ne ze ria rani.

Matiu 6:10 ပူးပေါင်းရင်းမြစ်များ

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 26:42

Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Maka 11:10

God ono vamakaole ia tina lama Batu lavata gere go tamaqemu Davita! Vazaka God ikoego rani zakazaka ne!”

Maka 3:35

Basoe izazu ne to pata isoko go God tarina kanae ro, kaequro mana vavaniqu ro go.”

Luka 19:11

Ṉalu basoero ne iri gatagata pepeu ro ia Jesu, i sine napu ne qira vapadapada dena. Torana nae ne Jesu i garogaro to za doka ena Jerusalema, iago basoero ne iri nanao Too ikoego vari miasoka ia God i garogaro to lama sadaka.

Luka 19:38

“God ono vatabo Batu lavata ni lamae go loborona vitoṉo mu, Dalo ina koe rani ne, mana ita mata vazaka God.”

Luka 22:42

Mamae igo, “Ṉalu aro qo mao ne go, ono pala vakuziki ne kapu na vokara dena, deqa koego era, mara kasi nanao era tanuqu, do mara lulua so nanao mu aro.”

Tarama Velaka Ia Jesu Kristo I Karo Go Jon 4:34

Jesu igo de, “Pata gege era ne, tuna vaogote zazu ituri navae go Mamae, mana tuna valupo zazu ia iteke nava na zazu ne go.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 13:22

Taramuzina God i pala vakuziki ne Sol, ia iteke napu ne qira Davita tina batu lavata napu ria go. Mana ia to dena pata i sine bana ne go ia God, ‘Ninidena era qa soko Davita sale ia Jese ia to adona basoe qa soko go, tina zazu ne go pataro qasoko ze go era de ikoego.

Zazu Ria Apostoloro 21:14

I gonae iago i makuru qemu timuna sida go ia. Iago, qimu mamanava seko mana qimu sine so, mao ia so God tina lama ogoto go pata dena.

Zazu Ria Apostoloro 22:14

Ananaisi igo, ‘God ria vanovano bana ro ita, i vine go aro, tono rove pataro i nanao go God tina zazu ne go, ono mia Jesu basoe zazu ogoto ia God mana, ono gata ia, ṉalu i seko ne ovaṉa ogoto na tanuna.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Kolosia 1:9

Tanego sauna to pataro igogo ne, remu qi pepene ne qamu, tupi me ṉalu qi gata soba go de qamu gogo ramu. Qi pene God go mara va puraka ze de qamu koego ramu rove na pataro i soko go, tanego osina tarove mana nanao rove i rege me so Spirit ia.

Kameka Tesalonika 4:3

God isoko too ramu mara tabo, mana ramu muna ko talukase tepa ia too na vari vagabu.

Kameka Tesalonika 5:18

Muna seko velaka zaqe God sauna osina pata ro i doka go osina ṉalu. Ia to nae pata i soko qamue go God, loborona too qamu vari vakamekae de ikoego Jesu Kristo.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 10:7

Mana ninidena qa go, ‘God, era to dena, qa lama go tuna zazu ne pataro qo soko go aro. Gereso de iri karo ze go sauqu era loborona buka na Tamana ne.’ ”

Kameka Pita 2:15

Tanego God i soko qamue loborona zazu velaka ramu go mara va dudulia seko bulaṉoe ria vano iriki rove go kaega kapata.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 12:10

Gonae era qa gata napu kameka ovaṉa na seko lavata i reqe me rani ne, igo de, “Ninidena to vari vakavele ia God i lama doka. God i vasadake karaputa ia ni batu lavata go. Ninidena to Mesia ia i vasadake go karaputa ia, i kenaqana nego osina ro pata. Tanego Satana i degere banae go tarakenaqana God mana ivari valegue de iri koego turaqita ro ne musaqara mana kuse gogo ne, iri kakale vakuziki ne zeto ia rani ne.

Revaleson 19:6

Lupo nae qa gata napua ovaṉa igere ovaṉa qira basoero topu, i ovele gere dudulu na besi mana qumara na ne, igere soru na pakala lavata, qa gata iri sine, “Mata vazaka God! God Batu ita i karaputa sivala go mana tanuna so ia i batu lavata go!

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.