Matiu 6:1 - Vato Vari Vakameka Voru Ia Batu Ne

¹ Jesu igo napu dena, “Vatovato velaka ro qamu zazu ne ze dekoe God, kasi vasadaka ze de in koego basoero ne sauna go mara mia pata qamu zazu ne go. Ṉalu qamu zazune vatovato igogo ne God Tamaqamu ikoego rani ne tiniki voli qamu kaega.

Matiu 6:1 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:6

Gonae Jesu i sine ne qira, “Muna miasoka, mana bara ne tanuqamu, de ikoego isti ria vano Parisio mana vano Sadusi go.”

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Matiu 5:46

Ṉalu qamu mamaligara ne qira so ria iri mamaligara ne qamu, avigo qamu nanao God tina tekeme qamu voli na? Ria vano palapala takisi do iri zazu neso vatovato igogo ne.

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:9

Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Maka 8:15

Iago Jesu iva banabana qira igo, “Muna miasoka isti ria vano Parisio mana isti ia Erode go.”

Luka 11:35

Iago ono miasoka niki go tatavata ikoe de qo koego ki tatavata ogoto kaega, do rodoko.

Luka 12:1

Kaki kameka ṉalu, mau na basoero iri lama teṉo, mana basoero ne iri vari kubekube dakiri go. Jesu i sine kenaqa ne qira disipoloro ia, “Muna miasoka seko poqepoqe ro ria vano Parisio, iri gere go isti, iri zazu ne go tatakiu.

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Tarama Velaka Ia Jesu Kristo I Karo Go Jon 12:43

Iri soko so basoero ne tarina nanao vamazala qira, do iriki nanao rove kaega, nanao va mazala ia God i lete velaka go.

Tarama Velaka Ia Jesu Kristo I Karo Go Jon 5:44

Ramu qamu soko basoero ne tarina vazakazaka qamu, ba de i koego God, ramu qamuki nanao kaega zazu ne na kaki pata, go God mara mia vazakazaka qamu, igo nae iago, ramu i makuru bana so tamuna vaogoto ava go era.

Zazu Ria Apostoloro 3:12

Ṉalu Pita i mia qira basoero ne, i sine ne qira, “Basoero na Izirel, avigo tane qamu poloso nego pata dena, mana avi vae tane qamu reṉa vale ne qarue raru? Avigo qamu nanao i karaputa raru tanuqaru ba, vatovato totoloṉo raru de koe God, tane qaru va zaza go valeke dena?

Qalesia 6:12

Basoero iri vatutubo qamue go ramu kosi ne, ria to iri vazaka napu go, mana iri vari vatatana ne pataro i sadake go tokama qira. Iri zazu ne pata dena, i sauna so niki go basoero ne vavokara qirae sauna iri vaogote go koluse ia Kristo iri go so.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Karua Jon 1:8

Iago, muna miasoka napua tanuqamu, niki go ramu vana ne zazu vokora ramu. Do pata itora go, ramu muna pala lupo voli qamu i vanama bana go God.