Matiu 5:9 - Vato Vari Vakameka Voru Ia Batu Ne

⁹ Kula ria basoero iri zazu ne go vari va bule, tarinara koru qirae salero ia God.

Matiu 5:9 ပူးပေါင်းရင်းမြစ်များ

Matiu 5:45

Ṉalu qamu lulua zuka dena ianae iva sadake ramu qamu salero ia God Tamaqamu i koe rani ne, tanego God izazu ne saṉa go tina damara qira ria vano sakata mana vano velaka go.

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Luka 20:36

Tarina gere qira aqelo ro mana tariniki le kaega, iri salesalero ia God, tanego iri too napu me tepa le.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Zazu Ria Apostoloro 7:26

Kene musaqara na ne Mosese i mia napu qiru karua valeke Izirel iru varitara tanuqiru, gonae i za go mara va bule qiru igo, ‘Gata karua valeke i vane qiru, raburu qaburu tamakena so, avigo tane qaburu varitara go?’

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 8:14

Ria i kenaqa ne qira go Spirit ia God ria to iri salero ia go God.

Leta Ia Pol I Karo Ne Qira Basoero Na Rom 8:16

Spirit ia God i vakameka ze spirit ita vano basoe go iru varove qitae go qata sale sale ro iago God.

Leta Ia Pol I Karo Ne Qira Basoero Na Rom 8:19

Osina pataro i vazari bana mego God iri lene piri nena ṉalu God tina vasadaka mego ake ria bana tane iri salero iago.

Kameka Korinti 6:6

Ramu qamuki lulua kaega zuka igogo ne, do ṉalu kaki basoe lotu, i vazao ze varitanae de koe kene basoe lotu, ramu qamu vamao ne qira vano iriki vaogoto go kaega tarina toere go vari valegu ramu!

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Karua Korinti 5:20

Iago remu, qi seko ne Kristo, do tanuna God i vazazu qemu remu. Loborona vatovato ia Kristo remu qi pene gamu ramu basoero qamu kana bana ne God, muna vamao ne ia mara itane too ramu, go tamuna vakitaka ro ia.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Pilipae 4:2

Raburu karua qole Euodia mana Sinitiki, era qa pene va moqere qaburu aburuna vakameka ne nanao raburu, gerena kameka tamakena de ikoego Batu ne.

Kolosia 3:13

Vari va nanao ule ne qiru ṉalu kaki karua basoe iru vari vasasakatae, mana ṉalu kake raburu qaburu vari va legu, buruna vari va nanao ule, gere Batu ne i nanao ule nigo.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.