Matiu 5:8 - Vato Vari Vakameka Voru Ia Batu Ne

⁸ Kula ria basoero i velaka go nanaoqira, tarinara mia God taramuzina.

Matiu 5:8 ပူးပေါင်းရင်းမြစ်များ

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Kameka Korinti 13:12

Ninidena ita qata rove so desuka de igogo God, i gere so qata reṉa e sirosiro iki lete sadaka vavelaka go kaega, do ṉalu tinara lama go, tatana mia osina pata totoloṉo de koe matana God, ṉalu nae to ita tatana ra rove go osina ro pata, gere God i rove go osina de qata gogo ita.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Revaleson 22:4

Ria nae so tarina reṉataru ne go ia osina ṉalu, mana vitoṉona ia tina karoe rae qira go.