Matiu 5:7 - Vato Vari Vakameka Voru Ia Batu Ne

⁷ Kula ria basoero iri manava ne qira ria kero ne basoero, God tinara manava ne qira taramuzina.

Matiu 5:7 ပူးပေါင်းရင်းမြစ်များ

Maka 11:25

Mana ṉalu qamu degere pene go ne, do ko nigo kakia basoe qo va muma go ne, ono nanao ule kenaqa ne basoe nae. Iato nae gogo Tamaqamu iko mego rani, tina nanao ule ne qamue go pataro qamu vasakate go.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Leta Ia Pol I Karo Ne Qira Basoero Na Rom 11:30

Iago ṉalu i lupo bana mego ne ramu to qamu legulegua go God, do tanego vano Jiu iri legulegua God, iago God i nanao ule ne gamu to ramu.

Kameka Korinti 7:25

Aria sauna pata qamu karo go, sauqira vano iriki busi go kaega. Batu ne iki teke nava kaega ka tamana, do era qa mazala sine zatu nanao era tanuqu, gere na ramu qamu mazala vaogote na loborona vari vatatavisi ia Batu ne.

Karua Korinti 4:1

Loborona vari nanao ia God i teke ne qemu zazu go timuna zazu nego, lago remu iki pela kaega nanao qemu.

Epesus 4:32

Do muna vari nanao, mana varimanavae tanuqamu loborona puṉuqamu. Muna vari nanao ule tanuqamu gerena God i nanao ule bana ne qamue ramu, de koego Kristo.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Iburu 4:16

Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Jemisi 2:13

Tanego varitanae ia God iki sadaka me kaega varinanao de ikoego basoe iki manava ne qira go kaega basoero ne, do ṉalu aro qo manava ne qira go basoero ne, aro tina kaega nigo so sareki dekoe varitanae ia God.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 2:10

Ṉalu bana ne ramu qamuki basoe ia kaega God, do ninidena ramu qamu basoero ia, ṉalu bana me ramu qamuki pala kaega manava ia God, do ninidena ramu qamu pala to manava ia.