Matiu 5:22 - Vato Vari Vakameka Voru Ia Batu Ne

²² Do ma sine qamu, basoe i muma ne kaena ba togana gogone na pala vazao ze loborona varitanae. Basoe i seko sakate kaena ba togana nara vazao ze de iri koego vano gatagata pepeu go tarina va kimate ia. Basoe idamua kaena ba togana gogo ne, basoe nae tina zae loborona nako ne.

Matiu 5:22 ပူးပေါင်းရင်းမြစ်များ

Matiu 10:17

Muna miasoka qira basoero ne, ria tarina pala qamu mana vazao qamue varitanae ne, mana tarina za sima qamue loborona pade lotu ria go,

Matiu 10:28

Muniki sareki ne qira basoero, iri mazala go vae vale na tokama qamu, do i makuru qira tarina vae vale go madau qamu. Do muna sareki ne God, tanego i mazala vae vale qamu, mana vazao ze madau qamu loborona nako iki rove go kaega le.

Matiu 12:24

Do ṉalu kakiaro vano Parisio iri gata tarama dena, iri go de, “Batu Belzebul tane i teke ne go ia karaputa, go i kakale ze go manuru sakata ne.”

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 18:21

Gonae Pita i lamae de ikoego Jesu, mana itana ne ia, igo, “Batu! Ṉalu go togaqu i kebu taru e de qa koego era, ava via ṉalu tuna nanao ule ne ia? Torana kavitu ṉalu?”

Matiu 18:35

Iago Jesu igo, “Mamae ikoego rani ne tina go napu so, ṉalu qamuki nanao ule ogoto ne qira kaega onotoqamu ro.”

Matiu 23:15

Ramu vano vari vatatana na Tamana mana vano Parisio, muna miasoka! Qamu vano poqepoqe, qamu goe masi mana piqata kava e sasaniqa go mamu soba ka basoe i soko go mara basoe Jiu qamu go. Mana ṉalu basoe nae i lama basoe Jiu, qamu lete vatora zeto ia zae na nako ne gere qamu so ramu, mana tina lete sakata sivala ne qamu ramu.

Matiu 23:33

Qamu gere dole ne, tuna ro dole pani! Avigo? Tamuna paqa nego ramu kimata ia God i vanama ne qamue go nako ne?

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Matiu 26:59

Batu ria patere ro mana osiqira vano iri teṉo ego pepeu ne, iri pada ne taqina pepeu poqepoqe ro go tarina vapala ze Jesu, go tarina mazala go vae vale na ia,

Matiu 3:17

Mana kakia seko i reqeme tepa rani ne igo, “Iadena to Sale valeke era qa lete mamaligara ne, mana qa lete kula ne go.”

Matiu 5:34

Do ma sine qamu ia dena, kasi odoodo ṉalu qamu pui ne kaki pata, kasi susuku aqe rani ne tanego rani ne i de koko batubatu ia God go iara miasoka qita mego.

Matiu 5:44

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

Maka 14:55

Vano batu patero ne mana vano kazigarata naro pepeu nego iri lete taqi zeto de iri koego basoero ne kaki seko sakata i zazu ne go Jesu go tarina vae vale ze ia iri go, do iriki soba so kaega kaki pata.

Maka 15:1

I sarusaruku lolotoro me batu lavata ria vano patere iri katikili za pala pepeue de iri koego vano vari vatatana na tamana mana vano gatagata pepeu go. Ṉalu iri vanama lupo to pepeu ria, iri qolo ze seni karisina Jesu mana pala vazao ze de ikoego Pilato.

Luka 12:5

Era mava mia qamu ramu ia tamuna sareki nego. Muna sareki ne God tina vae vale qamue nako ne! Qa sine ne qamu muna sareki ne ia!

Luka 22:66

I tavuara me to musaqara, vano kazigarata ro, vano batu ria Patere mana vano vari vatatana tamana, iri kameka teṉo mana iri lulu vazao ze Jesu, tarakenaqa qira vano gatagata pepeu.

Tarama Velaka Ia Jesu Kristo I Karo Go Jon 11:47

Iago vano Parisio, batu ro ria patere ro, iri kameka pepeu mana iri go, “Avana to tatana zazu ne ze go? Valeke dena i zazu ne topuna zazu mazala ro!

Tarama Velaka Ia Jesu Kristo I Karo Go Jon 15:25

Pataro dena tina sadaka bana so, go karo ikoego Tamana ro ria tina lama ogoto go, igo de, ‘I kaega so ka kutamana, go iriki soko ava go kaega.’

Tarama Velaka Ia Jesu Kristo I Karo Go Jon 7:20

Basoero ne iri vataule ne ia iri go, ‘Aro qo manuru! Akena tane i soko go vele vae vale go aro na?”

Tarama Velaka Ia Jesu Kristo I Karo Go Jon 8:48

Vano Jiu ne iri go, “Remu qi ogoto ṉalu qi go, aro qo valeke Samaritano, mana manuru i koe loboromu go.”

Zazu Ria Apostoloro 17:18

Kakia ro vano vari vatatana iri vitoṉo qirae Epikuriani mana Sitoiki go iri vari valegu ne seko de ikoego Pol, gonae kakiaro Iri go dena, “Avana tane valeke vakanata dena i sine go?” Mana kakia ro iri go, “Valeke dena ipepeu so god na de kakavata.” Iri sine pata ro dena, tanego Pol i tamana ne Jesu mana too napu ia tepa le ne.

Zazu Ria Apostoloro 22:30

Gonae batu lavata ria vano varitara ne i lete soko rove na avana tane vano Jiu iri valegu ze go Pol, iago bakubaku na ne, i lupase seni i qolo ego karisina Pol, mana ikoru qira batubatu ro ria Patere mana vano tavine ne go tarina pepeu go. Gonae i lulua Pol mana i za va degere ze tarakenaqa qira.

Zazu Ria Apostoloro 23:1

Pol ireṉa totoloṉo za de iri koe go vano pepeu ne, mana igo dena, “Ramu turaquro na Izirel! Puṉuqu qa nanao vaogote too era i totoloṉoe tarakenaqana God i dokae go musaqara ninidena.”

Zazu Ria Apostoloro 24:20

Bana i tora qira basoero dena, tarina sine ava ka pata sakata qa zazu ne go era, ṉalu qa degere go tarakenaqa qira basoero iri zazu ne go vivine,

Zazu Ria Apostoloro 4:15

Iago, iri sine ne qiru mara riru siporo kasine kova pepeu ne, go mara pepeu vamiki tanuqira, iri go.

Zazu Ria Apostoloro 5:21

Apostoloro ne iri vaogote, iara sarusaruku lolotoro me ia, iri keba za Pade Lotu ne mana iri vatupia vari vatatana Batu ria patere ro mana vano iri zazu tavise ia, iri koru qira vano kazigarata na Jiu go tarina kameka teṉo pepeu, goto nae iri vazao seko e de iri koego vano iri miasoka go bara ne, go tarina lulu qira me ria apostoloro ne de iri koego.

Zazu Ria Apostoloro 5:27

Iri lulu vakeba qira apostoloro ne, de iri teṉo pepeu ego, mana iri vadegere qirae tarakenaqa qira vano pepeu, mana batu ria patere ro ne i sine ne qira.

Zazu Ria Apostoloro 6:12

Sauna to seko ro dena, iva ṉiṉiri qira basoero, vano kazigarata, mana vano vari vatatana na Tamana. Iri pala Sitivini mana iri vazao ze ia de iri koego vano vivine.

Zazu Ria Apostoloro 6:15

Osiqira vano iri koloku pepeu go, iri reṉa vale lupo neso Sitivini, mana iri mia tarakenaqanu i gere so tarakenaqana aqelo ne.

Zazu Ria Apostoloro 7:37

Mosese iato i sine ne qira vano Izirel, ‘God tina turine qamu me kaki propeta, gerena so i turi nava go era, mana propeta ni gogo ne, tina kaki basoe na so sinaqe ramu.’

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Kameka Korinti 6:10

mana vano iri siko mana vano iri soko pala na topu na pata, ba poro ge loka ba poro pepeu valu qira kero ne basoero, ba vano iri poro sikosiko go. Kaega kaki kameka ria dena tarina keba za go Too ikoego vari miasoka ia God.

Kameka Korinti 6:6

Ramu qamuki lulua kaega zuka igogo ne, do ṉalu kaki basoe lotu, i vazao ze varitanae de koe kene basoe lotu, ramu qamu vamao ne qira vano iriki vaogoto go kaega tarina toere go vari valegu ramu!

Kameka Tesalonika 4:6

Sauna pata dena, kaega kaki basoe mara tatakiu ne, ba zazu ne zena pata i sakata go kene basoe lotu. Remu qimu sine vamoqere mana vabanabana qamue ramu, God tinara vakimata qira basoero iri zazu ne go vatovato igogo ne.

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Iburu 12:25

Iago muna miasoka, muniki kasia gata na seko ia God, ria iri kasia go gata na seko ireqe me de ikoego God, i makuru tarinara paqa go. Iago, avigo tatana paqa ne go lepulepu, ṉalu qata tabali kakamu ne ia, ṉalu i seko me tepa rani na?

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Jemisi 2:20

Qamu bulaṉoe, qamuki mia rove kaega ramu tane vaogoto iki zazu ne go kaega kaki pata ipatavolomo so.

Jemisi 3:6

Saqena basoe do izazu gere so nako ne, mana ipurake to topu pata sakata ro. Patavolomo i kameka pata sukae go so tokama qita ita, do imazala so vasakata lupona osina dia tokama qita. Mana ianae i vasakata lupo to osina too ita, paluze to sakataro iri reqeme go nako ne.

Kameka Pita 2:23

Ṉalu basoero ne iri va vokare go, iki muma ne qira kaega go. Tanego osina ruqe ia i taru lupo zaqe de ikoego God, ia so i mazala go taru ze vivine totoloṉo de ikoego basoe ne.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Kameka Jon 2:9

Ka basoe igo ikoe tatavata, do i vasakate kaena gogo ne, basoe nae iara koeso rodoko, go i lama idokae so ninidena.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.

Kameka Jon 5:16

Ṉalu qo mia kakia turamu i zazu ne go vasakata pata suka iki vazao ze qo kaega ia le ono pene God go mara tavisi ne, mana teke ne ia too. Sauna pata qa sine go dena, i sauna so basoe izazu ne vasakata pata suka. Do basoe i zazu ne go vasakata pata lavata tina mazala go vazao ze na ia le, ianae qaki sine ne qamu kaega muna pene ne ze go ia de i koe go God, sauna pata nae.

Judi 1:9

Aqelo Maekolo batu ria aqeloro ne do iki sine ne kaega Satana seko sakata ṉalu iru pera ne go pala na sinara na Mosese do ia i seko go so dena, “Batu ne so ṉara rovi go aro.”

Revaleson 20:14

Gonae le mana vudu na uṉaṉa ne iri vanaqe qiru aqe bolu na nako ne. Bolu na nako dena to i varuana go le ne.