Matiu 5:18 - Vato Vari Vakameka Voru Ia Batu Ne

¹⁸ Ma sine ne qamu pata ogoto, tina doka ṉalu rani, mana pua tiruna lupo, do kaega kaki desuka seko na Tamana tina kuziki go, ṉalu tina lupo go osina pataro.

Matiu 5:18 ပူးပေါင်းရင်းမြစ်များ

Matiu 10:15

Masine ne qamu pata ogoto, ṉalu na musaqara varitanae ia God, kimata tarina pala go basoero na komala nae tina sivala ne kimata ria vano na komala Sodom mana Qomora.”

Matiu 10:23

Ṉalu iri vasasakata qamue kaki komala, katikili kasi ne, mana za napue kaki komala go. Masine ne qamu pata ogoto, tamuniki valupo kaega zazu ramu loborona ro komakomala na ro Izirel do era Tuna basoe tuna za ule me.

Matiu 10:42

Ṉalu kaki basoe i teke ne besi lolomu kaki basoe volomo so, tanego i mia rove basoe nae i lulu ava era, ma sine ne qamu pata ogoto, God tina volia basoe nae.”

Matiu 11:11

Masine ne qamu pata ogoto, Jon na bapitema i sivala ne qira basoero iri podoe go pua dena. Do ia i lete suka sivale go Too i ikoego vari miasoka ia God, iara lete mazala sivala ne Jon.

Matiu 13:17

Masine ne qamu pata ogoto, topu propetaro mana vano iri lulua go too velaka ia God iri lete soko mia na pata qamu mia go ramu ninidena, do iriki mia kaega, mana gata na pataro qamu gata go ramu ninidena do iri ki gata so kaega.”

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 17:20

Jesu i vataule ne qira, “Tanego vaogoto ramu iara lete suka so. Masine ne qamu pata ogoto, ṉalu vaogoto ramu tara gere lavata na paturu na moki mastad, qamu mazala so sine ne kubolo dena, ‘Kasi ne dena mana za koe dona go kubolo ne tina ziki so, mana qamu mazala so zazu ne na topu na pata go.”

Matiu 18:18

Ma sine ne qamu pata ogoto, pata qamuki vamao ze kaega ramu vudu pua dena, God iki vamao napu ze kaega rani ne, mana pata qamu vamao ze ramu vudu pua dena, God tina va mao napu ze tepa rani ne.

Matiu 18:3

Mana i sine ne qira, “Ma sine ne qamu pata ogoto, ṉalu qamuki kavale kaega vatovato ramu, mana gere qira kaega salero suka gogo ne, ramu tamuniki mazala kaega keba zana Too de ikoego vari miasoka ia God.

Matiu 19:23

Iago Jesu i sine ne qira disipoloro ia, “Ma sine ne qamu pata ogoto, tina lete makuru sivala ne qira vano iri vavagado go tarina keba za go Too ikoego vari miasoka ia God.

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Matiu 21:21

Jesu gonae i vataule ne qira, “Ma sine ne qamu pataogoto, ṉalu qamu vaogote God, mana i kaega ne qamu nanao ruama go, qamu mazala so zazu ne na pata qa zazu ne ze go era moki piqi dena. Mana iki ianae so kaega, do qamu mazala sine ne kubolo suka dona, ‘Degere mana za vana zigoe tanumu masi ne,’ mana tina mazala so.

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 23:36

Ma sine ne qamu pata ogoto, God tina va kimata lupo qamu, tanego sauna vatovato sakata ro qamu zazu ne go ramu mana vanovano ṉalu bana ramu go!”

Matiu 24:2

Do Jesu i sine ne qira, “Ove to qamu mia pade lavata ro nae. Masine ne qamu pata ogoto, kaega kaki desuka ipaka na pade nae, tina kosivale go de i ko banae go, osina ne tina tapero mana vana lupo so go.”

Matiu 24:47

Ma sine ne qamu pataogoto, batu ia ne tina vamiasoka ze ia osina patapataro ro ia.

Matiu 25:12

Do valeke i vanama ne go busi, ne i vataule ne qira, igo, ‘Pataogoto, era qaki rove qamu kaega.’ ”

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Matiu 25:45

Era tuna vataule ne qira, ‘Masine ne qamu pata ogoto, ṉalu qamu kasi go tavisi ne qira basoero era iri mimia volomo gogo dena, i gere napuna so qamu kasi tavisi nava era.’

Matiu 5:26

Ma sine ne qamu pata ogoto, qoki mazala kaega tono siporo go tina doka ṉalu tono voli lupo go lepulepu aro.”

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:2

Iago ṉalu qamu tekene sosovolomo kakia basoe situ kasi pepeu na. Vatovato gogone iato iri zazu ne basoero poqepoqe loborona Pade Lotu mana zuka lavata na komala ne, go basoero ne mara va zakazaka qira iri go. Ma sine ne qamu pata ogoto, basoero nae iri pala bana to voli qira.

Matiu 8:10

Ṉalu Jesu i gata sekoro dena, i nureke mana i sine ne qira basoero iri lulua go, “Ma sine ne qamu pata ogoto, igo Jesu kaega kaki basoe na Izirel qa soba ze vaogoto i gere go vaogoto ia valeke dena.

Maka 10:15

Era ma sine ne qamu pata ogoto, ṉalu basoe iki gere go kaega sale ro iri kula ne go vazaka na God, basoe nae iki tora kaega tina za koego Too ikoego vari miasoka ia God.”

Maka 10:29

Jesu i vane qira dena, “Ove era masine ne qamu pata ogoto. Basoe ni nanao va mazalava era mana Tarama Velaka era dena go iara kasi ne go komala ia, ba kaena ro valeke, mana vavanina ba sinana mana tamana ba pua ia ikoego patapataro ia ni toṉove gogo ne,

Maka 11:23

Ma sine ne qamu to pata ogoto, ṉalu basoe i kaega ne ruama loborona puṉu na mana i taru ze to vaogoto ia sauna pata i sine go, ianae tina lama ogoto bana so pata i sine go. Basoe nae i mazala so sine nena kubolo dona, mo tarapusu mana za degere masi dona. Ianae tina ziki bana so.

Maka 12:43

Jesu i koru teṉo qira disipoloro ia i vane qira dena, “Ma sine ne qamu pata ogoto, qole nanaro situ dena to itaru zaqe go kesa i sivala ne qira go basoero topu iri vana ne go kesa sosovolomo loborona bokese ne.

Maka 13:30

Nanao tarua osina pataro dena tina sadaka me ṉalu basoe ro dena tarinara too go.

Maka 14:18

Ṉalu iri ṉaṉa go, Jesu i vane qira dena, “Ma sine ne qamu, kaki kameka ramu dena tina vabesa nava era de iri koego vano iri kana nava go.”

Maka 14:25

Ma sine ne qamu pata ogoto, era tuniki ara besi napua kaega vino dena go tina za doka go so ṉalu tuna besia go vino voru loborona Too ikoego vari miasoka ia God.”

Maka 14:30

Jesu i vane dena Pita, “Masine nigo to pata ogoto, karua dae tina vae go kokorako kuse ninidena aro kapisa sine tono vae ne, qoki rove ava kaega!”

Maka 14:9

Ma sine ne qamu pata ogoto, osina dia kolabana vudu pua tarina tamana zego Tarama velaka, tarina pepeu napua so pata i zazu ne go qole dena, mana tarina nanao taru napua so iago.”

Maka 3:28

Era ma sine ne qamu pata ogoto, God tina nanao ule ne qira basoero iri vasakata pata go mana pata sakata ro iri sine go.

Maka 6:11

Ṉalu qamu zae go kaki komala iriki soko qamu go kaega ba iriki soko go kaega gata na seko ro ramu, muna kasi ne komala nae mana tavore gausu na pua ikoego pola na make qamu, ianae i lalana to vabanabana raramu de iri koego!”

Maka 8:12

Do Jesu i marapuga lavata me mana i vane qira dena, “Avigo tane ramu vano na ṉalu ninidena, qamu soko go osina ṉalu mia na pata vari vapoloso! Era ma sine ne qamu, tuniki vasadaka ne qamu kaega kaki lala.”

Maka 9:1

Jesu i sine ne qira, “Ma sine ne qamu pata ogoto. Kakiaro ramu dena tamuniki le kaega, go tina za doka go ṉalu tamuna miasoba, Too ikoe go vari miasoka ia God tina za lama go.”

Maka 9:41

Ma sine ne qamu pata ogoto, Ka basoe i teke ne qamu kameka kapu besi, God tina teke ne ia voli na, tanego ramu qamu disipoloro era.”

Luka 11:51

Tupi me le ivae go Ebolo lama doka le ivae Zakaria, iri vae vale ze vari loborina aletare na pade tabo ia God. Ove masine ne qamu, God tina vakimata qira basoero na ṉalu nini dena sauna osina pataro dena.

Luka 12:37

Vano zazu ne iri lete kula ṉalu batu ria i lama mia qira go, iri dogara mana vanama taru ne ule na ia. Ma sine ne qamu pata ogoto, ia tina ozuke roku ia mana va koloku qira ria mana tina zazu ne qira.

Luka 13:35

Iago, God tina siporo kasine pade tabo ramu. Qa sine ne qamu ramu tamuna mia ava kaega era go tina doka go ṉalu ramu tamuna sine go, ‘God iva tabo ia i reqe mego vitoṉo na Batu ne.’ ”

Luka 16:17

Tanego ilete malumu so rani mana pua tiruna lupo go, do kaega kaki desuka na Tamana tina vana go.”

Luka 18:17

Nanao tarua iadena! Ṉalu ka basoe iki soko kaega toṉove na Too ikoego vari miasoka ia God, gerena sale suka, basoe nae tiniki ara keba za kaega.”

Luka 18:29

Iago Jesu i sine ne qira, “Masine ne qamu pata ogoto, ka basoe i tarua, qole ia, ba togana, ro ba vanovano ia, ba salero ia sauna Too ikoego vari miasoka ia God.

Luka 23:43

Jesu i sine ne valeke ne, “Masine nigo pata ogoto, ninidena aro tono ko tavisi ve era Paradiso.”

Luka 4:24

Ma sine ne qamu pata ogoto igo Jesu, “Kaega kaki propeta iri soko zego komala ia tanuna.”

Tarama Velaka Ia Jesu Kristo I Karo Go Jon 1:51

Mana i sine napu ne qira igo, “Ma sine ne qamu pata ogoto, tamuna mia zakazaka ne tina papaqa mana aqelo ro ia God tarina popoka za rani mana qoqoro me de qa koego era, Tuna Basoe.”

Tarama Velaka Ia Jesu Kristo I Karo Go Jon 10:1

Gonae Jesu sine napua igo de, “Ma sine ne qamu pata ogoto, basoe iki keba ego kaega siporaṉa na bara ria sipi ro ne, do i kebae so kaki dia, basoe nae i sikosiko mana i vasasakata ne qira sipi ro go.

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 12:24

Ma sine ne qamu pata ogoto, ṉalu paturu na sila i ṉara mana i sorue pua gogo ne paturu nae, tina podo me mana urena na ne tina lete topu go. Do ṉalu paturu nae ki leqese kaega, paturu nae tina koso tanuna.

Tarama Velaka Ia Jesu Kristo I Karo Go Jon 13:16

Ma sine ne qamu pata ogoto, basoe zazu iki sivala ne kaega batu ia, mana basoe palapala seko iki sivala ne kaega, basoe ni turi nego.

Tarama Velaka Ia Jesu Kristo I Karo Go Jon 13:38

Jesu ivataule ne ia, igo, “Avigo go lete toqe ne tono le paluava era? Masine nigo pata ogoto sivala, tarakenaqana kokorako tinara dae go, kapisa zaza tono sine, qoki rove ava kaega era.”

Tarama Velaka Ia Jesu Kristo I Karo Go Jon 14:12

Ma sine ne qamu pata ogoto, basoe i vaogoto ava era, tina zazu napu neso pataro qa zazu nego era. Ove to! Ia tina zazu ne kakiaro pata tina sivala ne zazu ro qa zazu bana ne go, tanego era qa zae de koe Mamae.

Tarama Velaka Ia Jesu Kristo I Karo Go Jon 16:20

Masine ne qamu pata ogoto, “Tamuna maqata mana dae, do basoero na kolabana pua dena, tarina kula so, tamuna maqata, do maqata ramu tina taitana mana tamuna ra kula.

Tarama Velaka Ia Jesu Kristo I Karo Go Jon 16:23

Ṉalu nae, tamuniki ara tana ne kaega kaki pata de qa koego era. Masine ne qamu pataogoto, ṉalu qamu pene ze Mamae kaki pata loborona vitoṉoqu era, ia tina teke ne qamu so.

Tarama Velaka Ia Jesu Kristo I Karo Go Jon 21:18

Masine nigo pata ogoto, ṉalu qo ara basoe voru go, tanumu so qo buka zigoe beloto aro, mana qo zae de qo soko go zaena tanumu go, do ṉalu qo kazigarata go, tono kazara ne zaqe karisimu de i koego kaki basoe kakavata, mana tina vazao ge aro, de qoki soko go kaega tono zae go.”

Tarama Velaka Ia Jesu Kristo I Karo Go Jon 3:11

Ma sine nigo pata ogoto, pataro qi seko ne go dena, qi rove velake. Mana pataro qi lama sine vasadaka ne qamu go, remu qi mia soba bana. Do kaega kakia ramu qamu toqe ne vaogotena tarama ro remu.

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Tarama Velaka Ia Jesu Kristo I Karo Go Jon 5:19

Iago Jesu i vataule ne qira, “Ma sine ne qamu pata ogoto. Tuna God i makuru tina zazu ne pata i soko go tanuna, do tina zazu neso pata i mia ze Tamana i zazu nego. Pataro izazu nego Tamana, Tuna, tina zazu napu neso go.

Tarama Velaka Ia Jesu Kristo I Karo Go Jon 6:26

Jesu i vataule ne qira igo, “Masine ne qamu pataogoto, ramu qamu taqia va era, tanego qamu ṉaṉa mana kuma ne bureri ne go, ba zazu vari vapoloso qa zazu ne go era zakone, ramu qamuki nanao rove so kaega.

Tarama Velaka Ia Jesu Kristo I Karo Go Jon 6:32

Jesu igo de, “Masine ne qamu pata ogoto, bureri i teke ne qamu go Mosese iki reqeme kaega rani ne, tanuna so Mamae i teke ne qamu go bureri ogoto na rani ne.

Tarama Velaka Ia Jesu Kristo I Karo Go Jon 6:47

Ma sine ne qamu pata ogoto, ka basoe i vaogoto ava go era, ia i toṉove too iki rove go kaega lupo.

Tarama Velaka Ia Jesu Kristo I Karo Go Jon 6:53

Jesu i sine ne qira igo, “Ma sine ne qamu pata ogoto, ṉalu qamuki go go kaega tokamaqu ba besia kaega parasaqu gogo ne, ramu tina kaega ne qamu too ogoto de qa koego era.

Tarama Velaka Ia Jesu Kristo I Karo Go Jon 8:34

Jesu i sine ne qira, “Ma sine ne qamu pata ogoto, ka basoe i vasakata pata, basoe nae i seka ia to vasakata pata,

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Tarama Velaka Ia Jesu Kristo I Karo Go Jon 8:58

Jesu i sine ne qira, “Tarakenaqana Abra-am iara podo go, ‘Era To Qa Basoe Qa Ko Osina Ṉalu.’ ”

Kameka Pita 1:25

Do seko ia God 3 too osina ṉalu topu ro.” Seko nae ia to Tarama Velaka iri sine vasadaka bana me de qamu koego ramu.

Revaleson 20:11

Gonae qa reṉa napu ne kameka de kolokoloku ia batu, i lete kakasa go, mana kameka basoe i kolokue go. Gonae rani mana pua iru zaga mana kaega to ka basoe iara miasoka qiru go.