Matiu 5:16 - Vato Vari Vakameka Voru Ia Batu Ne

¹⁶ Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Matiu 5:16 ပူးပေါင်းရင်းမြစ်များ

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Matiu 23:9

Muniki koru ze kaki basoe na vudu pua dena, tamaqamu, kameka so basoe i Tamaqamu go, iato ikoego rani ne.

Matiu 5:45

Ṉalu qamu lulua zuka dena ianae iva sadake ramu qamu salero ia God Tamaqamu i koe rani ne, tanego God izazu ne saṉa go tina damara qira ria vano sakata mana vano velaka go.

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:9

Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Matiu 9:8

Ṉalu basoero iri mia pata ni sadaka go, iri sareki, mana iri vazaka God tanego i teke qira karaputa igogo dena de iri koe go basoero ne.

Luka 11:2

Jesu i sine ne qira, “Ṉalu qamu pene, iadena to pata tamuna sine go, Tamaqemu di vatabo go vitoṉomu. Teke ne qemu Too ikoego vari miasoka ia aro.

Tarama Velaka Ia Jesu Kristo I Karo Go Jon 15:8

Ṉalu ramu qamu ure velaka go, qamu vasadake qamu disipoloro era, mana ṉalu nae karaputa mazala ia Mamae tina va sadaka me.

Zazu Ria Apostoloro 9:36

Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ.

Kameka Korinti 14:25

nanao pipika ro ria tina sadaka me de tatavata mana tarina tudu mana vazaka God, tarina sine vasadake, “Pata ogoto God i kotavisi qamu ramu.”

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Qalesia 1:24

Iago ria iri vazaka to God, tanego sauna to pata ni zazu navae go era.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Kameka Timoti 2:10

Ba iane, qolero kristiano mara vasadake too, ba vatovato velaka ria gere qira qolero iri pada ne go ko basoe lotu.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Kameka Timoti 5:25

I gere napua so, zazu velaka ro i sadaka va totoloṉo so mana basoero ne iri mia rove go. Iago patavolomo zazu velaka i ko pipika go, tiniki ara ko pipika kaega.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Taetusi 3:14

Vakitaka ro ita vano lotu, mara rove de go tarina zazu neso pataro ni velaka go, go tarina mazala go tavisi ne qira basoero i kaega ne qira go kapata. Mara ria kasi ko volomo go.

Taetusi 3:4

Do ṉalu vari nanao mana mamaligara ia God vari vakavele i lama sadaka go,

Iburu 10:24

Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 3:1

Gerena napu so ramu qolero busi, muna va mazala qira valeke ro ramu, sauna ianae go valeke ro ramu iriki vaogote kaega seko ia God, tarina vaogoto go, patavolomo qamuki sine ne qira kaega seko.

Kameka Pita 3:16

Do muna zazu ne ze so loborona seko velaka mana padapada. Mana va totoloṉe nanao qamu go mara velaka osina ṉalu, go ia ṉalu iri seko sakata qamue too velaka ro qamu lulu ze go Kristo, ria tarina agava ne pataro iri sine ne qamu go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 4:14

Muna kula ṉalu basoero iri seko vasakata qamu, tanego ramu qamu lulua vatovato ia Kristo, tanego ramu qamu rove Spirit ia Batu ne ilete karaputa, i ko taru e de qamu koego.