Matiu 5:15 - Vato Vari Vakameka Voru Ia Batu Ne

¹⁵ Basoe ṉalu iva kamua pazi, ia tiniki taru zaqe kaega polana vesu, do tina taru va zakazaka zaqe, go i mazala tatavata lupo ne qira ria iri koe loborona pade ne.

Matiu 5:15 ပူးပေါင်းရင်းမြစ်များ

Maka 4:21

Gonae Jesu i sine napu ne qira mana igo dena, “Kaega kaki basoe i pala me pazi ia i vakamua mana i taru zaqe go pola na sau ba pola na vesu ia. Do ia tina taru bana zaqe de vavaidokana pazi ne.

Luka 11:33

Jesu i sine napua, “Kaega ka basoe i vakamua pazi mana i pika go ba, iroku zaqe go loborona qaleqi, kaega. Ia tina taru bana zaqe so zakazaka de vavaidoko pazi, go tina tatavata ne qira go basoero ṉalu iri keba mego pade ne.

Luka 11:36

Ṉalu osina tokamamu i purake tatavata mana i kaega kaki dia i rodoko gogo ne, tina tatavata lupo gerena pazi i tatavata palua go damara na.”

Luka 8:16

Jesu i sine napua, “Kaega ka basoe iva kamua pazi mana i taru zaqe polana sau ba polana parepare. Kaega! Ia tina taru bana zeso de vavaidoko na pazi, go basoero tarina mia tatavata ṉalu tarina keba me.

Pilipae 2:15

go tamuna ko totoloṉo mana voru gerena salero velaka ia God, iri koego vudu pua i lete sakata mana basoero iri koego iri vatovato sakata. Ramu tamuna damara gere domiri i tatavata ego zakazaka ne, de iri koego basoero ne,

Iburu 9:2

Iri zazu ne kameka pade iri pala zazao ne, kova kenaqa ne iri vitoṉo ze, “Kova tabo.” Loboro igogo i koe pazi, tevolo mana bureri iri sosovolomo ne zaqe God go.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.