Matiu 4:23 - Vato Vari Vakameka Voru Ia Batu Ne

²³ Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 4:23 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 12:9

Jesu i kasi ne de go mana i za napue kaki Pade Lotu ria vano Jiu.

Matiu 13:19

Ria iri gata go tarama na Too ikoego vari miasoka ia God, do iriki nanao rove kaega, iri gere to paturu i soru ego zuka ne, i lama Satana mana i lama pala vakuziki ne ze puṉuqira.

Matiu 13:54

mana i gado ule za komala ia. I vari vatatana e Pade Lotu, mana ria iri gata go ia iri nureke, mana iri varitanatana, “Adepa tane i pala ze go tarove mana karaputa i vazazu ze go zazu vari va nureke ro ia dena?

Matiu 14:14

Ṉalu Jesu i za dokae rikisi ne i mia qira topu sasakata basoero, puṉuna i lete nanao qira mana i vatavoisi qira vano iri mokoso go.

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 9:35

Jesu i gadoe osina to komala lavata ro mana komala suka na ro Qalili. Iza vari vatatanae Pade Lotu ro ne sauna Tarama Velaka na de go Too ikoego vari miasoka ia God. Mana i va tavoisi qira basoero i pala qira go soso mokoso ro ria.

Maka 1:14

Taramuzina iri taruze go Jon bara ne. Jesu izae Qalili mana i tamana ne Tarama Velaka ia God.

Maka 1:21

Jesu mana disipoloro ia iri lamae komala lavata Kapanaum. Musaqara bakubaku na ne i ṉalu Sabat, iago Jesu izae Pade Lotu ria vana Jiu mana iza vari vatatana.

Maka 1:39

Iago, i zaza gozato osina dia komala ro iri koe go liqutu na Qalili. Jesu itamanae to loborona Pade Lotu ro ria mana ikakale vakuziki ne qira manuru sakata ro i siqana qira go basoero ne go.

Maka 3:10

Iva velaka qira basoero iri mokoso mana vano mokoso nae iri vari tutubele ne kadigo mara ria lama siba ia iri go.

Maka 6:2

Musaqara Sabat i vatatana qirae Pade Lotu ria vano Jiu mana topu basoero iri teṉoe go nae. Ṉalu iri gata go vari vatatana ia iri lete nureke sasakata. Iri varitanae tanuqira iri go, “Adepa tane i pala ze go ia pata ro dena? Akena tane i teke ne go ia tarove go i pala go dena? Mana avigo tane i zazu ne go ia pata vari vapoloso ro dena go?

Maka 6:6

Jesu i lete nureke sasakata ne qira basoero ne, tanego i kaega ne qira to vaogoto.

Luka 10:9

Muna va tavoesi qira basoero iri mokosoe go komala nae mana muna sine ne qira, ‘Too ikoego vari miasoka ia God i lama garogaro qamu ramu.’

Luka 13:10

Kaki kameka musaqara Sabat, Jesu iva tatana qira basoero ne loborona kaki Pade Lotu ria vano Jiu.

Luka 16:16

Tamana ro ia Mosese, mana karo ro ria propetaro iko so go i lama doka ṉalu ia Jon na bapitema. Torana ṉalu nae Tarama Velaka na de igogo Too ikoego vari miasoka ia God iri vari vagata ne, mana topu basoero iri pada ne go tarina lamae too dena.

Luka 20:1

Kaki kameka musaqara ṉalu Jesu iza va tatana qira basoero ne loborona Pade Lotu ne, mana i tarama ne de go, Tarama Velaka ia God, batubatu ro ria patere ro, vano tarove na tamana, mana vano kazigarata go iri lama.

Luka 4:14

Gonae Jesu i ule za Qalili, mana karaputa ia Spirit tabo i kotavise ia. Mana osina tarama na ia igoe lupoe kena igogo ne.

Luka 5:17

Kaki kameka musaqara, ṉalu Jesu ivari vatatana, kaki ria vano Parisio mana vano tarove na tamana iri ko tavisi go iri reqe me osina komala na ro Qalili, Judia, mana komala lavata Jerusalema go. Gonae karaputa ia God ikoe de ikoego Jesu, iva velake mokoso ro ria basoero ne.

Luka 6:17

Ṉalu Jesu i qoqoro me kubolo ne, i lulu qira apostoloro ia, i za degere kaki dia i nabo mana topu ria disipoloro ia iri ko tavisi de go. Topu sasakata basoero iri koe de igogo ne, iri reqe me osina dia tepa Judia mana Jerusalema, mana karua komala iri koe rikisi masi, Taia mana Saidon.

Luka 6:6

Kaki musaqara Sabat napu, Jesu i zae loborona Pade Lotu ria vano Jiu, i vari vatatana. Kaki valeke i le karisi matauna iko tavisi ṉalu nae.

Luka 7:21

Torana to ṉalu nae, Jesu iva tavoese qira topu ria basoero i pala qira go soso mokoso ro, manuru sakata ro mana iva mimia qira ria basoero iri kodo go.

Luka 7:22

I vataule ne qiru riru iru pala seko ia Jon igo, “Ule za mana za sine ne Jon pata qamu mia mana gata go, vano kodo iri mimia, vano taveqo iri zaza velaka, ria iri kimata ne mokoso voremake iri velaka mana vano ikiki iri ara gata pata to, vano le iri too napu me, mana Tarama Velaka ia Batu ne i tatavatae de iri koego ria vano iri situ go.

Luka 8:1

Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia,

Luka 9:11

Ṉalu basoero iri gata de izae go ia, iri kale muzi ne ia, i koru qira mana i pepeu ne qira dego Too ikoego vari miasoka ia God mana iva velaka qira basoero iri soko go velaka.

Luka 9:60

Jesu iva taule ne ia igo, “Taru qira vano le, mara ria vari voru tanuqira, ba aro ne, ono za mana za sine vasadake de igogo Too ikoego vari miasoka ia God.”

Tarama Velaka Ia Jesu Kristo I Karo Go Jon 18:20

Jesu i vataule ne ia, igo de, “Era qa seko vasadaka mana qa vatatavata lupo osina ro pata de iri koego basoero ne, vari vatatana ro era qa zazu ze loborona Pade Lotu mana de koko na Pade Lotu go, de iri mazala go kameka teṉoe go basoero ne. Kaega kaki pata qa sine pika go era.

Tarama Velaka Ia Jesu Kristo I Karo Go Jon 6:59

Jesu i sine ze pataro dena loborona Pade Lotu na komala Kapanaum.

Tarama Velaka Ia Jesu Kristo I Karo Go Jon 7:1

Taramuzina pataro dena, Jesu i goe so kena Qalili, ia iki zae kaega tepa Judia, tanego vano batubatu na Jiu iri soko vae vale na ia.

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 18:4

Nogotona musaqara Sabat Pol i zae Pade Lotu ria vano Jiu, i pada ne go mara itane nanaoqira vano Jiu mana vano Qrik, go tarina vaogoto go.

Zazu Ria Apostoloro 20:25

“Era qa go lupoe de gamu koego, qa tarama ne de igogo vari miasoka ia God, mana ninidena qa rove, kaega kakia ramu basoero dena tamunara mia va era.

Zazu Ria Apostoloro 28:31

I tarama ne Too ikoego vari miasoka ia God mana i vari vatatana ne sauna Batu Jesu Kristo, i seko va karaputa ne mana kaega ka basoe iara va noto ze go ia sauna tamana ne na too ikoe go vari miasoka ia God.

Leta Ia Pol I Karo Ne Qira Basoero Na Rom 10:15

Mana ava tina gogo tina sadaka go tarama nae ṉalu iriki turine go kaega basoe go tina za sine go? Iato nae go i sine go Buka tabo ne, “I lete vari va kula sivala lama qira basoero iri pala mego Tarama Velaka.”