Matiu 4:10 - Vato Vari Vakameka Voru Ia Batu Ne

¹⁰ Do Jesu i sine ne ia, “Kasi ne de qa koe go era, aro Satana! Tanego Buka tabo i sine, ‘Ono vabatua God Batu aro, mana ono osaka neso tanuna God.’ ”

Matiu 4:10 ပူးပေါင်းရင်းမြစ်များ

Matiu 16:23

Do Jesu i tabali mana i sine ne Pita, “Kasi ne de, Satana! Oniki pada ne vanoto ava era, pata go sine go aro ne, iki nanao na kaega God do i nanao na so basoe na vudu pua dena.”

Maka 1:13

De iza koego ne, iri koe pata piru ro. Jesu iza koe de igogo ne torana vasiṉaulu musaqara mana Satana ilama padane ia, do aqeloro ne iri lama tavisi ne ia.

Luka 10:18

Jesu i vataule ne qira igo, “Era qa mia bana Satana i soru me rani ne, i gere kapi.

Luka 11:18

Iago ṉalu basoero na komala ia Satana iri varitara tanuqira, ava tina go tina degere vanadu go? Ramu qamu go Belzebul tane i teke nava era karaputa go qa kakale ze go manuru sakata.

Luka 13:16

Do qole dena i podoe sinaqe ia Abra-am mana Satana i qolo ia manoga kazalu ave. Iago avigo i sakata lukase na mokoso ia ṉalu Sabat?”

Luka 22:3

Gonae Satana i kebae puṉu na Jiudas iri vitoṉo ze Iskariot, ia ikaki kameka ria manoga karua disipolo ro ne.

Luka 22:31

Jesu i sine ne qira, “Saimon, Saimon, ono gata! God iva mao Satana go tina pada ne qamu osiqamu, i taqia akena tane i degere vanadu go tina vota vakakavata ne velaka mana sakata, gere so valeke zazu barui i soso taru ne qiru go de velaka na vuiti, mana de sakata na go.

Luka 4:8

Do Jesu i sine ne Satana igo, “Buka tabo ne igo, ‘Ono va Batua so God Batu aro mana ono osaka ne so tanuna!’ ”

Tarama Velaka Ia Jesu Kristo I Karo Go Jon 13:27

Ṉalu Jiudas i pala bureri nae, Satana ne i kebae ia. Gonae Jesu i sine ne ia, “Zazu vakatikili ne to aro, pata tono zazu nego!”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Kameka Korinti 5:5

Ramu muna vazao ze basoe nae loborona karaputa ia Satana go mara vasakate tokamana, do God tina vakavele madau na valeke nae ṉalu musaqara muzimuzi.

Kameka Korinti 7:5

Ramu qamu vano busi, kasi va makuru na tokama qaburu, ṉalu kakia i va kaega tokamana, go mara pepene igogo ne, i velaka so, taramuzina nae qaburu mazala kameka kamuku napu. Ṉalu tamuna zazu ne to iadena, ramu tamuna vasivala ne pada ro ia Satana, tanego qaburu ki karaputa kaega, niki go velaka raburu za kuziki.

Karua Korinti 11:14

Iago iki pata vari vanureke kaega, tanuna Satana i mazala so vamimia gere ze tanuna agelo na tatavata.

Karua Korinti 12:7

Do pata go tina va noto ava go era go tuniki poro nanao sivala go kaega sauna osina pata velaka ro qa mia go, God i teke nava era kaki pata i paqo vokara me loborona tokamaqu, i gere so kaki basoe zazu ia Satana i sima va era, go era, tuniki poro vazakanapu kaega.

Karua Korinti 2:11

Era qa zazu ne iadena, go Satana tina kaega ne karaputa de qata koego ita, tanego ita qata rove bana pata i vanama go Satana tina zazu ne.

Jemisi 4:7

Iago muna vaqoqore tanuqamu, mana toqe ne ze God too ramu. Muna varitarae de ikoe Satana go mara paqa kasi ne qamu.

Kameka Pita 5:9

Iago, muna vanadua vaogoto ramu go tamuna vanoto go ia. Tanego ramu qamu rove turaqamu ro iri koego osina dia vudu pua, iri lulu bana go Kristo, iri soba napua so vokara qamu pala go nae.