Matiu 3:2 - Vato Vari Vakameka Voru Ia Batu Ne

² Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 3:2 ပူးပေါင်းရင်းမြစ်များ

Matiu 10:7

Mana ṉalu qamu za go, muna tarama ne, Too ikoego vari miasoka ia Batu ne i lama garogaro to.

Matiu 11:20

Kakiaro komala Jesu i zazu ne ze topu na zazu vari vapoloso, do basoero ne iriki kavale so kaega vatovato sakata ro ria, iago Jesu i muma ne qira basoero na komala ro igogo ne.

Matiu 12:41

Ṉalu musaqara God tina zazu ne vivine ia, basoero na Ninive tarina sine vasadake kebu ria basoero na ninidena, tanego basoero na Ninive iri vana ne too mana vatovato sakata ro ria ṉalu Zona i tamana e de iri koego. Do masine ne qamu i kogo dena kaki pata i lete sivala ne Zona.

Matiu 13:11

Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Matiu 13:24

Jesu i sine napu ne qira kakia seko vapadapada, “Too ikoego vari miasoka ia God i gere ṉalu kaki valeke i leba ze paturu velaka na vuiti loborona barue ia.

Matiu 13:31

Gonae Jesu i sine napu ne qira kakia seko vapadapada, “Too ikoego vari miasoka ia God i gere kaki valeke i pala paturu na mastad mana i leba ze barue ia.

Matiu 13:33

Jesu i sine napua kaki seko vapadapada, “Too ikoego vari miasoka ia God, i gere kaki qole i pala desuka isti mana i robe palu ze kameka bage palava, iki umata kaega i keba mana puraka me palava ne.”

Matiu 13:47

I gere napua so, “Too ikoego vari miasoka ia God, igere na so ṉalu vano tatava iri koku ze gabe ria masi ne gonae topu soso ado na iṉana i lama gona gabe ne.

Matiu 13:52

Iago Jesu igo, “Osiqira vano vari vatatana na Tamana iri lulua go de go vari vatatana na Too ikoego vari miasoka ia God, i gere ṉalu batu na kaki pade i pala vasiporo ze pade ia pata velaka ro mana kakiaro pata voru, mana kakiaro pata bana go.”

Matiu 18:23

tanego Too ikoego vari miasoka ia God i gere ṉalu kaki batu lavata i soko rove na de go vano zazu ia iri miasoka go kesa ro ia.

Matiu 20:1

Gonae Jesu i sine napua, “Too ikoego vari miasoka ia God, i gere kameka valeke i zaza va sarusaruku, i taqi qira basoero tarina zazu e barue ia mana tina voli qira go.

Matiu 22:2

Igo, “Too ikoego vari miasoka ia God i gere, ṉalu kaki batu lavata i vanama ne kelo busi na sale valeke ia.

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 25:1

Gonae Jesu i sine, “Too ikoego vari miasoka ia God i gere manoga qole iri pala za pazi ria, mana iri za go mara ria soba valeke i vavanama nego busi ne.

Matiu 25:14

Jesu i sine napua, “Too ikoego vari miasoka ia God i gere ṉalu kameka valeke batu i vanama ne zae na kaki vudu, gonae i koru qira vano zazu ia mana i teke ne qira patapata ro ia go tarina miasoka go.

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 5:10

Kula ria basoero iri vasasakata ne qira, tanego iri lulua zuka totoloṉo i soko go God, vari miasoka ia God i koe de iri koe go.

Matiu 5:3

“Kula vano iri situ go, tanego iri soko vatovato velaka ia Batu ne. Vari miasoka ia Batu ne i koe to de iri koego.

Matiu 6:10

Go osina basoero mara koe loborona vari miasoka raro. Pata qo soko timuna zazu ze go remu pua dena, mara gere napua so pataro iri zazu ne ze ria rani.

Matiu 6:33

Iago taru kenaqa zaqe puṉu qamu dekoe vari miasoka ia God mana muna zazu ne pataro i soko qamue go. Ṉalu gogo nae God tinara tekene qamu kero ne pataro.

Maka 1:15

Igo dena, “I lama doka to ṉalu Too ikoego vari miasoka ia God ilama ko garogaro to! Muna nanao ule mana vana ne vasakata pata ro ramu mana vaogote Tarama Velaka!”

Maka 1:4

Iago Jon isadaka me sasaniga ikaega go pata podopodo lavatana ne, mana ilama vari va bapitema mana i tamana qira basoe ro ne igo dena, “Ramu muna nanao ule mana vana ne vasakata pata ro ramu mana lama bapitema go.”

Maka 6:12

Iago disipoloro ne iri zaza mana tamana qirae basoero ne seko ia God mana iri sine ne qira, muna nanao ule mana vana ne vasakata pataro ramu.

Luka 1:16

Ia tina pala vaule qira me topu ria basoero na Izirel, de i koego God, Batu ria.

Luka 11:20

Do era karaputa ia God tane qa kakale qirae go manuru sakata rone. Ianae i vasadaka ogote dego vari miasoka ia God i lama ko banae de qamu koe ramu.

Luka 13:3

Kaega! Masine ne qamu, ṉalu qamu ki manava sakata ne kaega vasakata pataro ramu, osiqamu tamuna le gere napu qira so ria.

Luka 13:5

Kaega! Do masine ne qamu. Ṉalu ramu osiqamu qamuki vana ne kaega vasakata pata ramu, osiqamu tamuna le gere napu qira so ria nae.”

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Luka 15:7

Gerena so qa sine ne qamu, ria iri koego rani ne tarina kula sivala ne de ikoego kameka basoe i manava sakata nego vasakata pata ia. Kula nae tina lete sivala ne iaṉaulu kaia vano iri nanao velaka, i kaega kapata tarina manava sakata nego.”

Luka 16:30

Valeke vavagado ne i vataule, ‘Ianae iki tora kaega mamae Abra-am! Do ṉalu kaki basoe tara too napu me tepa le, mana za sine ne qira ṉalu nae, ria iri mazala manava sakata ne vasakata pata ro ria.’

Luka 21:31

I gere napua so ṉalu qamu mia pataro dena i sadaka go, ramu tamuna rove Too ikoego vari miasoka ia God i lama garogaro to.

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Luka 6:20

Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Luka 9:2

Go nae ia i turine qira tarina za mana za vatatavata ne qira basoero ne, de go zazao na Too de ikoego vari miasoka ia God, mana za va velaka qira basoero i pala qira go soso mokoso ro ria go.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Zazu Ria Apostoloro 26:20

Kenaqana tepa Damaskus, mana loborona Jerusalema, taramuzina nae, qa za tarama napu e topu na dia loborona Izirel, mana de iri koego vano iriki Jiu go kaega. Qa tamana ne go tarina manava sakata ne vasakata pata ro ria, mana tabali ze de ikoego God, mana tarina zazu ne pataro go tina vasadake, go ria iri manava sakata go.

Zazu Ria Apostoloro 3:19

Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.

Karua Korinti 7:10

Iago maqata ivazazua go God, i kavale puṉuna basoe, mana i va sadaka me vari vakavele, iago maqata dena iki ko sivala kaega. Do maqata i lulua go nanao na pua dena mana iki taqia kaega God, ianae iva sadaka me le.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Iburu 6:1

Ita mata ziki napu za, mata pala varivatatana i tora qira go vano i lavata bana go vaogoto ria, mana mata taru ze muzi qita varivatatana qata gata kenaga bana go. Mata kasi varivatatana napu ne pata qata rove bana go, gere dego qata mazala go vana ne vatovato sakata ro i mazala go vae vale qita, mana dego qata mazala go vaogote na God.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Revaleson 2:21

Era qa teke ne ia ṉalu, go mara vana ne vasakata pataro ia qa go, do iki soko neso kaega vana nena.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.