Matiu 3:12 - Vato Vari Vakameka Voru Ia Batu Ne

¹² I palatarua pata solasola ia, go nava kuziki ne de sakatana ro vuiti ne, tina pala vuiti ne mana za taruze pade tarutaru vuiti ne. Do de sakata naro ne tina pala mana subi zaqe nako iki rove go kaega le.”

Matiu 3:12 ပူးပေါင်းရင်းမြစ်များ

Matiu 13:30

Taru qiru mara riru podo so, go na doka so ṉalu tina ṉara go ure na vuiti ne. Ṉalu nae to tuna ara sine ne qira go vano zazu era, tarina rapusu kenaqe seuseu sakata ne mana kameka poke ne qira mana subi zaqe nako ne, taramuzina ṉara vae vuiti ne mana babana ze pade tarutaru pata gege era go.’ ”

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 13:42

Mana tarina vanaqe qira qe nako i lete ila sakata go, de go tarina za dae mana vari kizakiza ne saqe qira go.

Matiu 13:43

Do basoero iri totoloṉe tarakenaqa na God, tarina damara gere saṉa ne loborona too voru de koego vari miasoka ia God. Ka basoe i zari go qeqelena mara gata seko ro era dena!”

Luka 3:16

Do Jon i sine ne qira igo, “Era qa bapitema qamue so besi, do ia tina zalama go, i lete sivala nava era. Era iki torava kaega tuna lupase go qolo na makebotu ia. Mana ia ne tina bapitema qamue Spirit tabo mana nako go.

Luka 3:17

I pala paepae iago tina vakuziki ne osina de sakata na ro vuiti ne, tina pala vuiti mana tina taru ze pade i tarutaru ze go pata gege ia, do deni sakata go ne tina pala mana subi zaqe nako niki rove go kaega le.”

Tarama Velaka Ia Jesu Kristo I Karo Go Jon 15:2

Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.