Matiu 3:11 - Vato Vari Vakameka Voru Ia Batu Ne

¹¹ Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Matiu 3:11 ပူးပေါင်းရင်းမြစ်များ

Matiu 3:6

Iri sine vasadake vasakata pata ro ria mana Jon i bapitema qirae uguru Jodan.

Maka 1:4

Iago Jon isadaka me sasaniga ikaega go pata podopodo lavatana ne, mana ilama vari va bapitema mana i tamana qira basoe ro ne igo dena, “Ramu muna nanao ule mana vana ne vasakata pata ro ramu mana lama bapitema go.”

Luka 1:17

Ia tina za kenaqa ne Batu ne, moqere mana lavata gerena propeta Ilaiza. Tina va kameka napu ne qira, salero de iri koego tamaqira ro, mana tina vatabali va totoloṉo qira vano legulegu tarina nanao totoloṉo. Jon tina vanama ne qira basoero ia Batu ne, sauna lama na ia.”

Luka 3:16

Do Jon i sine ne qira igo, “Era qa bapitema qamue so besi, do ia tina zalama go, i lete sivala nava era. Era iki torava kaega tuna lupase go qolo na makebotu ia. Mana ia ne tina bapitema qamue Spirit tabo mana nako go.

Luka 3:3

Iago Jon izae osina kena na uquru Jodan, i tamana mana i sine ne qira basoero ne, “Tarua vasakata pataro ramu mana Bapitema, go God tina nanao ule ne qira go vasakata pataro ramu.”

Tarama Velaka Ia Jesu Kristo I Karo Go Jon 1:15

Jon na bapitema tane i sine ne qira basoero sauna valeke dena, ia i koru valavata me igo, ‘Tato dena basoe qa pepeu ne qamu go,” qa sine go, “Basoe tina lama go taramuziqu era, i lete mazala sivala nava era, tanego basoe nae i ko bana so ia qara podo go era.”

Tarama Velaka Ia Jesu Kristo I Karo Go Jon 1:30

Iato dena valeke qa pepeua go qa go, ‘Valeke tina lama taramuziqu era, i mazala sivala nava era, tanego valeke dena i ko bana so ia, qara podo go era.

Zazu Ria Apostoloro 1:5

Jon i vari va bapitema ne besi, do tina sivala kavia musaqara, God tina vari va bapitema ne Spirit tabo.”

Zazu Ria Apostoloro 19:4

Pol i sine ne qira, “Vari va bapitema ia Jon, i ke ria vano iri nanao ule ne vasakata pata ro ria, Jon i sine ne qira basoero na Izirel, go tarina vaogote ia tina za lama go taramuzina tanuna, basoe dena to, Jesu”.

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 8:38

Valeke batu na Itiopi i sine mara va noto pata iri age go, gonae Pilipi mana valeke na Itiopi iru zae de ikoego besi ne, mana Pilipi i bapitema ia.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Taetusi 3:5

iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”