Matiu 28:9 - Vato Vari Vakameka Voru Ia Batu Ne

⁹ Do iki umata so kaega, Jesu i lama soba qiru mana igo, “Bule”, karua qole ne iru za garogaro ia, mana iru siba makena mana iru vazaka ia.

Matiu 28:9 ပူးပေါင်းရင်းမြစ်များ

Matiu 14:33

Gonae disipoloro iri koego koluka ne iri vazaka Jesu. Iri go dena, “Pata ogoto bana, aro to qo Tuna go God!”

Matiu 23:7

Ṉalu iri zae go loborona de iri vari va volivoli ego, iri soko basoero mara vamazala qira, tarina koru qirae vano vari vatatana.

Matiu 28:10

Jesu i sine ne qiru, “Kasi sareki, za mana sine ne qira vakitaka ro era mara ria zae Qalili, de go tarina garetu mia vego era.”

Matiu 28:17

Mana ṉalu iri miasoba ia, iri vazaka ia, do kakiaro ro ria iri ara ruama so.

Matiu 28:8

Iago karua qole ne iru katikili kasi ne leṉa ne, iru lete sareki, do iru lete kula napu so, iru teteṉe go tiruna za sine ne qira disipoloro ne tarama na Jesu.

Luka 1:28

Aqelo ne izae dekoe Maria i sine ne ia igo, “Dalo ina ko tavisi go, Batu ne iko tavisi go aro mana i lete vatabo go.”

Luka 24:52

Iri vazaka ia, mana iri gado ule za Jerusalema iri lete kula sivala.

Luka 7:38

Iza degere taramuzina Jesu tepa makena, i dae mana iva boma ze makena Jesu soso ne na matana, mana i qusa va kadala ze uguruna, i kuna makena Jesu i zuga ze tala ni nonoli meno go.

Tarama Velaka Ia Jesu Kristo I Karo Go Jon 12:3

Gonae Maria i pala me kameka botolo tala i lete nonoli meno sivala, mana i lete voli makuru go. Maria i zele ze makena Jesu mana i qusa vakadala ze uguruna go. Pade iri koego ipurake to nonoli na tala igogo ne.

Tarama Velaka Ia Jesu Kristo I Karo Go Jon 20:19

Raravi na musaqara Sade nae, disipoloro ne in teṉoe so kameka pade, mana siporaṉa ro ne iri kokoqu vanadu lupo, tanego iri sareki ne qira batu batu ro ria vano Jiu. Goso nae Jesu i lama degere vari lobori qira mana i sine ne qira, “Dalo ina kotavisi qamu.”

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.