Matiu 28:20 - Vato Vari Vakameka Voru Ia Batu Ne

²⁰ Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Matiu 28:20 ပူးပေါင်းရင်းမြစ်များ

Matiu 1:23

“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

Matiu 13:49

Tina gere to vapadapada dena ṉalu musaqara muzimuzi ne, ria aqelo ro ia God tarina lama vota vakuziki ne qira basoero sakata de iri koego basoero velaka ro ne,

Matiu 18:20

Tanego ṉalu karua ba kapisa basoe iri kameka qoqoṉo ego loborona vitoṉoqu era, era qa koe loboro qira.”

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Maka 16:20

Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Zazu Ria Apostoloro 20:27

Tanego era ikaega kaki pata qa pala vaule go, sine qa vae ne qamu go zazu ro ba, pataro i nanao go God tinara zazu nego.

Kameka Korinti 11:2

Qa vazaka qamu, tanego qamu nanao taruava era, mana osina ṉalu qamu lulua vari vatatana qa teke bana ne qamu go.

Kameka Korinti 11:23

Vari vatatana i teke nava go era Batu ne, iato qa tarama lupo ze de qamu koego, mana vari vatatana nae iato de. Kuse na ṉalu Jiudas i va besa ne ia, Jesu i pala bureri

Kameka Korinti 14:37

Ṉalu kaki basoe i koe loboro qamu i nanao i kone karaputa sauna sine vasadake na seko ia God, ba i kenaqa ne Spirit tabo gogo ne i velaka, ia mara rove, pata qa karo ne qamu atu go era dena, i seko tamana i Batu ne.

Kolosia 1:28

Iago qi tarama ne de go Kristo de iri koego basoero ne. Osina tarove qi mazala go, qi vabanabana qira mana vatatana qira, go osiqira tarina lama e tarakenaqana God, go tarina pala go too kazigarata loborona vari va kameka de koe Kristo.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Karua Pita 3:2

Qa soko ramu muna nanao tarua seko ro ria propeta tabo ro iri sine bana mego ṉalu bana ne, mana tamana ia Batu na vari vakavele iri teke ne qamu go apostoloro ne.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.