Matiu 28:2 - Vato Vari Vakameka Voru Ia Batu Ne

² Gonae kameka nunu lavata i vizua osina pata, mana aqelo ia God i qoqoro me tepa rani ne, i lama ikolo vakuziki ne ipaka iri kokoqu ze go leṉa ne mana i kolokue go.

Matiu 28:2 ပူးပေါင်းရင်းမြစ်များ

Matiu 27:60

mana i za va kekele ze ia leṉa ipaka voru ia tanuna Josepo. Gonae i ikole kameka ipaka lavata mana i kokoqu zaqe siporaṉa na lena ne mana i zaza.

Matiu 27:66

Iago iri zae leṉa ne, iri za vanadu velake kokoquna mana iri taru ze lala go kaega ka basoe tina paqapaqa go leṉa ne, mana iri vamiasoka qirae vano soldia ro go.

Tarama Velaka Ia Jesu Kristo I Karo Go Jon 20:1

Sarusaruka lolotoro ṉalu Sade, iara rodorodoko go, Maria Madalena i zae leṉa ne, mana izamia ipaka iri kokoqu zego leṉa ne i kuziki.

Zazu Ria Apostoloro 16:26

Goso nae kameka nunu lavata i lama nasua kutamana bara ne, katikili so osina siporaṉa na bara ne i papaqa lupo mana seni iri qolo ze go makeqira vano iri koego bara ne i talupasa lupo.

Zazu Ria Apostoloro 5:19

Do kuse nae, aqelo ia Batu ne i za papaqa siporaṉa na bara ne, ilulu vasiporo qira apostoloro mana i sine ne qira,

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Revaleson 11:19

Gonae pade tabo ia God ikoego rani ne i papaqa mana dolo i koego seko vari toqe voru ia God i sadaka me loborona pade tabo nae. Torana so nae kameka naki lavata i lama, gonae kapi i tatavata me, pakala i poto mana kameka nunu i vizua pua ne, mana ipaka na aisi ne i tazele me.