Matiu 28:18 - Vato Vari Vakameka Voru Ia Batu Ne

¹⁸ Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Matiu 28:18 ပူးပေါင်းရင်းမြစ်များ

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Luka 10:22

Jesu igo napu dena, “Mamae i teke lupo bana nava era osina pataro. Kaega ka basoe i rove go Tuna, do tanuna so Tamana, mana kaega ka basoe i rove go Tamana, do tanuna so Tuna mana ria qa vine napu qira era, tina va rove girae go.”

Tarama Velaka Ia Jesu Kristo I Karo Go Jon 13:3

Jesu i rove, osina karaputa, Tamana iteke lupo ne ia, mana irove napua, tanuna ireqe me de ikoego God, mana tina ule napu za de ikoego God go.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 3:31

Basoe i reqe mego rani ne, i karaputa sivala ne qira osiqira basoero ne. Basoe i reqe mego vudu pua ne, i basoe na to pua dena, mana i seko ne patana ro vudu pua dena go. Do basoe i reqe mego rani ne, i karaputa sivala ne qira kero ne basoero ne.

Tarama Velaka Ia Jesu Kristo I Karo Go Jon 3:35

Tamana i mamaligara ne Tuna, iago i teke ne ia karaputa de ikoego osina pataro.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 2:36

Go osina basoero na Izirel tarina rove velake Jesu dena, iato qamu paqipaqi bana ze go koluse ne. Mana ia to God i vine ia tina Batu mana i Mesia go.”

Leta Ia Pol I Karo Ne Qira Basoero Na Rom 14:9

Tanego sauna to ia dena Kristo ile, mana itoo napu mego tepa le ne, mana iato i Batu ne qira vano le mana vano too.

Kameka Korinti 15:27

Tanego Buka tabo ne i sine, “God i taru ze osina pata polana makena Kristo” do tanuna so God tiniki koego kaega polana ia. Tanego God to i taru ze go osina pata polana Kristo.

Kolosia 2:10

mana ramu qamu pala bana tutukunu na too loborona vari vakameka de koe ia. Iato i ko mazala sivala ne qira aqeloro mana osiqira ke ro ne vano karaputa ro mana iato i Batu sivala ne qira osiqira.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 2:8

mana qo va mia soka ze ia osina ro pata.” Iago God, i vamiasoka ze ia osina pata loborona karaputa ia, ianae talupasana osina to pataro. Do ninidena ita qatiki mia kaega basoe i kenaqa lupo ne osina ro pata.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 19:16

Roku loda ia ne mana makena gogo ne, i karoe vitoṉo ro dena, “Batu lavata ria batu lavata ro mana batu ria batu ro go.”