Matiu 27:51 - Vato Vari Vakameka Voru Ia Batu Ne

⁵¹ Torana so nae, poga lavata i idoke go Pade Lotu ne, i taridaka reqe zakazaka ne doka so sokasoka na ne. Nunu lavata ivizu mana i paose ipaka ro go,

Matiu 27:51 ပူးပေါင်းရင်းမြစ်များ

Matiu 27:54

batu ria vano varitara mana soldia ro iago iri mia tarua go Jesu, iri mia go nunu ne mana pataro i sadaka go, iri lete sareki mana iri go, “Valeke dena i Tuna ogoto bana to God!”

Matiu 28:2

Gonae kameka nunu lavata i vizua osina pata, mana aqelo ia God i qoqoro me tepa rani ne, i lama ikolo vakuziki ne ipaka iri kokoqu ze go leṉa ne mana i kolokue go.

Maka 15:38

Poga lavata iri vaidoko ze go Pade Lotu lavata ne itandaka me zakazaka dokae so sokasoka nane.

Luka 23:45

Mana poga loda iri vaidoko ze go loborona Pade Lotu ne, itaridake vari loborina.

Luka 23:47

Ṉalu valeke batu ria vano soldia i mia pata i sadaka go, i vazaka God, mana igo, “Ia dena i valeke totoloṉo bana to!”

Iburu 6:19

Tanego qata vanadu ze nanao qita sauna pata i pui ne go God, i gere kaki likoto i vanadua go too ita. Likoto dena i nadu mana i makuru vaziki na. Pata i pui nego God i za dokae kene tepa na poga iri vaidoko midiki ze kovo tabo tabo ne, iato i koego rani ne.

Iburu 9:3

Mana taramuzina kameka poga lavata ne, i koe varuana kova, iri vitoṉo ze, “Kova i lete tabo sivala.”

Revaleson 11:13

Torana so nae kameka nunu lavata sivala i vizua pua ne, mana va manoga tokoboro na komala lavata ne i tapero, mana vitumao basoero iri le. Do ria iriki le go kaega, iri lete sareki, iago iri vazaka vitoṉona God ikoego rani ne.

Revaleson 11:19

Gonae pade tabo ia God ikoego rani ne i papaqa mana dolo i koego seko vari toqe voru ia God i sadaka me loborona pade tabo nae. Torana so nae kameka naki lavata i lama, gonae kapi i tatavata me, pakala i poto mana kameka nunu i vizua pua ne, mana ipaka na aisi ne i tazele me.