Matiu 26:64 - Vato Vari Vakameka Voru Ia Batu Ne

⁶⁴ Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 26:64 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 22:44

‘God i sine ne Batu era igo, Ono koloku e tepa karisi matauqu mana tuna taru vaqoqoro qirae kana ro aro polana karaputa ro aro.’

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:25

Torana to nae, Jiudas, i tana me, “Valeke vari vatatana, avigo era ba?” Jesu i vataule ne ia, “Iato qo sine go nae.”

Matiu 27:11

Iri lulua Jesu mana va degere ze tarakenaqana Pilato, gonae Pilato i tana ne ia, “Avigo aro to qo batu lavata ria vano Jiu ba?” Jesu i vataule ne ia, “Iato qo sine go nae.”

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Maka 14:62

“Era to,” igo Jesu, “osiqamu tamuna miava era Tuna basoe tuna kolokue tepa matauna God ni lete moqere sivala mana tuna za lulume toba ikoego rani ne.”

Luka 21:27

Mana ramu tamuna mia sobava era Tuna basoe, tuna za goe me toba ne, lulu ne karaputa mana tatavata ia God.

Luka 22:69

Do pasi ninidena, i popoka za go, era Tuna basoe tuna koloku e karisi matauna God i moqere sivala.”

Luka 22:70

Osiqira iri go, “Iago aro to qo Sale ia God ba?” I vataule ne qira igo, “Iato qamu sine go, era to.”

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Zazu Ria Apostoloro 1:11

Mana iru go dena, “Ramu vano na Qalili, avigo tane qamu degere nae, mana reṉa popoka qe rani ne na? Iato Jesu i kasi ne qamu, mana izae go rani ne tina za lama napu, gerena so qamu mia go ipopoka za go rani ne ninidena.”

Leta Ia Pol I Karo Ne Qira Basoero Na Rom 14:10

Iago, avigo tane aro qoki ge go kaega pata imanu go, qo seko vasakata go turamu ige go soso pata gege. Ṉalu aro qo ge go soso patagege ne qo seko vaqoqore go turamu iki ge go kaega pata gege i manu go? Ita osiqita tatana za degere so tarakenaqana God, mana ia so tinara za varitanae ne qita go.

Kameka Tesalonika 4:16

Basoero ne tarina gata seko tamana lavata, ovaṉa na batu ria aqelo ro mana kuvili ia God go, ṉalu nae basoero iri vaogote Kristo iri le bana go, tarina too ule kenaqa me tepa le ne.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 20:11

Gonae qa reṉa napu ne kameka de kolokoloku ia batu, i lete kakasa go, mana kameka basoe i kolokue go. Gonae rani mana pua iru zaga mana kaega to ka basoe iara miasoka qiru go.