Matiu 26:29 - Vato Vari Vakameka Voru Ia Batu Ne

²⁹ Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”

Matiu 26:29 ပူးပေါင်းရင်းမြစ်များ

Matiu 13:43

Do basoero iri totoloṉe tarakenaqa na God, tarina damara gere saṉa ne loborona too voru de koego vari miasoka ia God. Ka basoe i zari go qeqelena mara gata seko ro era dena!”

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 18:20

Tanego ṉalu karua ba kapisa basoe iri kameka qoqoṉo ego loborona vitoṉoqu era, era qa koe loboro qira.”

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 26:28

iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Matiu 26:30

Goto nae iri vae kera, mana iri zae Kubolo na Olivi.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Maka 14:25

Ma sine ne qamu pata ogoto, era tuniki ara besi napua kaega vino dena go tina za doka go so ṉalu tuna besia go vino voru loborona Too ikoego vari miasoka ia God.”

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Luka 15:32

Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”

Tarama Velaka Ia Jesu Kristo I Karo Go Jon 15:11

Qa sine ne qamu go pataro dena, go ramu tina ko ne qamu kulakula i ko nava go era. Qa soko kulakula ramu mara lavata.

Tarama Velaka Ia Jesu Kristo I Karo Go Jon 16:22

Igere napu qamu so ramu go, ninidena qamu maqata, do ṉalu tuna lama mia napu qamu, puṉuqamu tina purake kulakula. Kulakula nae ne, ikaega napu ka basoe tina mazala go pala vakuziki ne qamue go.

Tarama Velaka Ia Jesu Kristo I Karo Go Jon 17:13

Era tuna gado atu to. Qa sine sekoro dena, pasi qara koe vudu pua dena, go ria tarina kula gerena so de igogo kula qu era.

Zazu Ria Apostoloro 10:41

iki sadake kaega de iri koego basoero topu, do i lama sadake so de qi koego remu, tanego remu to i vine bana qemu go God timuna tarama nego ia, iato go remu qi ṉaṉa mana qe loka tavise ia taramuzina too i vae mego tepa le ne.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Revaleson 14:3

Ria kameka vasa vasiṉaulu kavasi mao basoero dena, iri degere tarakenaqana God i kolokue go de kolokoloku batubatu ia, kavasi pata qaraqara mana ria napu to vano kazigarata go. Ria dena iri vae kameka kera voru, talukasana kera ne, tanuqira so iri rove go. Basoero dena to God i bauru bana qirae go vudu pua dena.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”