Matiu 26:28 - Vato Vari Vakameka Voru Ia Batu Ne

²⁸ iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Matiu 26:28 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 26:27

Gonae i pala kapu, i seko velaka ne zaqe God, mana i teke ne qira, igo de, “Osiqamu muna besia,

Matiu 26:29

Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”

Matiu 6:12

Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.

Maka 1:4

Iago Jon isadaka me sasaniga ikaega go pata podopodo lavatana ne, mana ilama vari va bapitema mana i tamana qira basoe ro ne igo dena, “Ramu muna nanao ule mana vana ne vasakata pata ro ramu mana lama bapitema go.”

Maka 14:24

Jesu igo, “Iadena i parasaqu, i tazele ne vakavele qira osiqira basoero ne, parasaqu dena i vanadua go vari toqe ia God.

Luka 22:19

Gonae i pala bureri i seko velaka zaqe God, i pasia mana teke qira ria igo, “Ia dena tokamaqu, qa teke ne qamu ramu, zazu ne ia dena mana nanao taru ava era.”

Luka 22:20

Taramuzina iri ṉaṉa lupo i teke ne qira kapu mana igo, “Kapu dena ia to iva vorua go pui ia God, i soso ne parasaqu era, i tazele de qamu koego ramu.”

Leta Ia Pol I Karo Ne Qira Basoero Na Rom 5:15

Do iriki vari pada kaega tanego sosovolomo ia God i teke ne qita go iki gere kaega vasakata pata ia Adamo. Pata ogoto, vano basoero iri le bana, tanego sauna vasakata pata ireqe me de ikoe kameka basoe nae. Do Mana ia God ilete lavata sivala ne sosovolomo i teke volomo ne qira basoero topu, loborona Mana ia kameka basoe dena, Jesu Kristo.

Leta Ia Pol I Karo Ne Qira Basoero Na Rom 5:19

Gerena napu so kameka basoe i legulegua God, iago osina basoero iri lulu napua so vasakata pata, ia kameka basoe nae mana igerena napu so kameka basoe i vaogote God osina basoero tarina lama ko totoloṉoe de i koe God.

Kameka Korinti 11:25

Ṉalu iri ṉaṉa lupo, Jesu i pala napua kapu i purake vino mana igo dena, “Kapu dena i varitoqe voru ia God de iri koego basoero ne, qa lala vanadu ze parasaqu era. Osina ṉalu qamu besia go, muna nanao taruava era.”

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Kolosia 1:14

de koe ia ita qata kavele, iato go vasakata pata ro ita i talupasa go.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Kameka Jon 2:2

Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.