Matiu 26:25 - Vato Vari Vakameka Voru Ia Batu Ne

²⁵ Torana to nae, Jiudas, i tana me, “Valeke vari vatatana, avigo era ba?” Jesu i vataule ne ia, “Iato qo sine go nae.”

Matiu 26:25 ပူးပေါင်းရင်းမြစ်များ

Matiu 23:7

Ṉalu iri zae go loborona de iri vari va volivoli ego, iri soko basoero mara vamazala qira, tarina koru qirae vano vari vatatana.

Matiu 23:8

Do ramu muniki vamao ne qira basoero ne, tarina koru qamue vano vari vatatana. Kameka basoe so i valeke vari vatatana ramu, mana ramu qamu tamakenaro so go.

Matiu 26:14

Taramuzina to nae, kaki kameka ria disipolo ia vitoṉona Jiudas Iskariot i zae de iri koego ria batu ria patere ro.

Matiu 26:49

Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 27:11

Iri lulua Jesu mana va degere ze tarakenaqana Pilato, gonae Pilato i tana ne ia, “Avigo aro to qo batu lavata ria vano Jiu ba?” Jesu i vataule ne ia, “Iato qo sine go nae.”

Luka 22:70

Osiqira iri go, “Iago aro to qo Sale ia God ba?” I vataule ne qira igo, “Iato qamu sine go, era to.”

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Tarama Velaka Ia Jesu Kristo I Karo Go Jon 4:31

Torana i ule za go komala lavata qole ne, ria disipoloro ia, iri sine ne ia, “Valeke vari vatatana, ge kadia pata gege,” iri go.