Matiu 26:24 - Vato Vari Vakameka Voru Ia Batu Ne

²⁴ Era Tuna basoe tuna le gerena i sine go Buka tabo ne, do manava sakata de ikoego basoe tina vabesa nava go era, itora basoe nae tara kasi podo bana so.”

Matiu 26:24 ပူးပေါင်းရင်းမြစ်များ

Matiu 18:7

Manava sakata de iri koego basoero na vudu pua dena, tanego sauna pataro iri vasoru qirae vasakata pata basoero ne, tina sadaka bana so, do basoe izazu ne go pataro igcgo ne tina miasoka go.

Matiu 26:31

Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’

Matiu 26:54

Do ṉalu tuna zazu nego era pata igogo ne, ava tina goto Buka tabo ne, ni sine bana go, pataro dena tina sadaka ogoto go.”

Matiu 26:56

Do patavolomo nae, pataro i doka goto dena i va voto to seko ro ria propeta ro iri karo go.” Pasi nae so ia, osiqira to disipoloro ia iri kasi ne ia mana iri paqa lupo to go.

Maka 14:21

Era Tuna basoe tuna le bana so, ni puitaru bana mego Buka tabo ne. Do makuru lavata tina dokae go basoe ni vabesa nava go era Tuna basoe. I tora basoe nae mara kasi podo bana me so.”

Maka 9:12

Jesu i vataule igo, “Pata ogoto Ilaiza to tina lama kenaqa, go tina vanama go osina pata, do avigo tane Buka tabo ne i sine go, ‘Tuna basoe tarina va vokare mana tarina lete vasakata nego igogo?’

Luka 22:22

Do Tuna basoe tina le, gerena God i vine taru bana go, do manava sakata sivala de ikoego valeke iva besa ne, go ia!”

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Tarama Velaka Ia Jesu Kristo I Karo Go Jon 17:12

Torana qa kotavisi qira go, qa bara ne qirae karaputa na vitoṉomu, iato vitoṉo qo teke nava go, qa miasoka velaka qira iato go kakia iki rore kaega. Do kameka i rore go ne, tina rore bana so, go tina va voto go seko i sine bana go Buka tabo ne.

Tarama Velaka Ia Jesu Kristo I Karo Go Jon 19:24

Vano soldia ne iri vari sine ne, “Mata kasi ridake na, do mata va qiso daisi, go mata mia akena tina pala go.” Iadena i sadaka, go seko i sine bana go Buka tabo ne tina lama ogoto, igo, “Iri vari kena kena ne poqaro era, iri va qiso daisi ne roku loda era.” Pataro dena soldia ro iri zazu neto.

Tarama Velaka Ia Jesu Kristo I Karo Go Jon 19:28

Taramuzina nae Jesu i rove osina zazu ia ivalupo to. Mana go tina voto go seko na Buka tabo ne, ia igo, “Era qa kaṉoso!”

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Zazu Ria Apostoloro 28:23

Iago iri pui ne ṉalu Pol, mana ṉalu nae topu ria basoero iri lama teṉo e de ikoego Pol. Tupi sarusaruku go doka so raravi, Pol i sine vatalupasa ne qira de igogo tarama na Too ikoego vari miasoka ia God, mana i pada ne va rove qira e pataro i sine ne qira go sauna Jesu, i pata ogoto, i pala kavia seko Tamana ro ia Mosese mana karo iri karo go propeta ro, go tarina vaogote mana tarina ruruqe go God go.

Zazu Ria Apostoloro 4:28

Vatovato ro dena iri zazu ne ze so pataro qo soko go aro, go loborona karaputa aro qo sine bana mego tinara lama sadaka.

Kameka Korinti 15:3

Qa vakava napu qamue ramu, pata qa pala go, iato i lete mazala sivala i karo ego Buka tabo, igo, Kristo i le ne vasakata pata ro ita,