Matiu 25:10 - Vato Vari Vakameka Voru Ia Batu Ne

¹⁰ Iago kalima qolero bulaṉoi ne iri za volia to tala ria. Torana to iri zaza go ria, valeke i vanama nego busi ne i lama doka. Ria kalima qole ro tarove ne, iri za soba ia mana iri lulua ia go, iri keba za pade tarina teṉoe go sauna vari vabusi ne, mana siporaṉa ne iri kokoquato go.

Matiu 25:10 ပူးပေါင်းရင်းမြစ်များ

Matiu 24:42

Iago muna miasoka, tanego qamuki rove kaega ṉalu era Batu ramu tuna za ule mego.

Matiu 24:43

Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne.

Matiu 24:44

Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”

Matiu 25:6

I dokae to loboro kuse, kaki basoe ikoru me igo, ‘Valeke i vanama nego busi iato de, lama go muna soba ial’

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Luka 12:35

Jesu i sine napu ne qira, “Muna vanama taru ne sauna pataro tina lama go. Vanadua baribari ramu, mana vakamua pazi ro ramu.

Luka 13:25

Ṉalu valeke batu na pade i degere i kokoqua siporaṉa ne, ramu tamuna degere me peka ne mana kekeqere siporaṉa ne mana tamuna sine me, ‘Papaqa siporaṉa ne batu,’ Do ia tina vane qamu dena, ‘Era qaki rove kaega kade qamu reqe mego.’

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 19:7

Ita mata kula mana gasi, mata vazakazaka vitoṉona ia! Tanego ṉalu ia Tunana Sipi ne tina busi go, i lama doka to, mana qole ia i vanama napu neto busi riru go.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!