Matiu 24:42 - Vato Vari Vakameka Voru Ia Batu Ne

⁴² Iago muna miasoka, tanego qamuki rove kaega ṉalu era Batu ramu tuna za ule mego.

Matiu 24:42 ပူးပေါင်းရင်းမြစ်များ

Matiu 24:36

Jesu i sine napua, “Patavolomo aqeloro iri koego rani ne, mana era Tuna basoe go, qimuki rove so kaega musaqara na ba torana ṉalu, na go, do tanuna so Mamae i rove go.

Matiu 24:43

Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne.

Matiu 24:44

Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”

Matiu 25:10

Iago kalima qolero bulaṉoi ne iri za volia to tala ria. Torana to iri zaza go ria, valeke i vanama nego busi ne i lama doka. Ria kalima qole ro tarove ne, iri za soba ia mana iri lulua ia go, iri keba za pade tarina teṉoe go sauna vari vabusi ne, mana siporaṉa ne iri kokoquato go.

Matiu 25:13

Valupolupo na Jesu igo, “Muna miasoka, tanego qamuki rove kaega ka musaqara na mana ka torana ṉalu era Tuna basoe tuna ule mego.”

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Leta Ia Pol I Karo Ne Qira Basoero Na Rom 13:11

Iago ramu muna zazu ne to pata ro dena, tanego ṉalu de ita qata rove, i ṉalu ramu tamuna za dogara mego kamuku ramu. Tanego ṉalu ia God tina vakavele qita go i garogaro to, mana i sivala ne de qatara tupi mego vaogoto go.

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Kameka Tesalonika 5:6

Iago, ita mata kasi kamuku gere qira vano iriki vaogote go kaega Kristo. Mata dogara, mana vazazao ze nanao ro ita pata ni velaka go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”