Matiu 24:39 - Vato Vari Vakameka Voru Ia Batu Ne

³⁹ Mana iri nanao kaega so kaki pata tina doka qira, iri go, do kiale lavata ne i vapoloso qira, mana i pala vazao lupo qira. Iato nae pataro tina sadaka go ṉalu era Tuna basoe tuna ule napu mego.

Matiu 24:39 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 24:37

Pataro isadaka go ṉalu ia Noa, tina sadaka gere napua so ṉalu era Tuna basoe tuna za lama go.

Matiu 24:40

Torana ṉalu nae, karua valeke tiruna za zazu e barue ne kameka tarina pala vakuziki, ne mana varuana ne tina ko sivala go.

Luka 19:44

Ria tarina vasakata lupo go, mana osina basoero iri koego loboromu go, kaega kaki kameka ipaka suka tinara ko sivale go de iko banae, tanego aro qoki mia rove kaega ṉalu God tina lama va kaveli go.”

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Zazu Ria Apostoloro 13:41

‘Ramu qamu vakari ne go God! Muna reṉa ninidena go muna poloso mana taramuzina tamunara le. Tanego pata qa zazu ne go era ninidena ramu tamuniki vaogote to kaega, mana patavolomo tarina sine lupasa ne qamu go, do tina varipada so.’ ”

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Karua Pita 3:5

Ria iriki soko to kaega sine vasadakena pata ogoto dena. Loborona so seko ia God, rani mana pua i zari me ṉalu bana sivala me. Mana vudu pua iza sadaka me so loborona loka.