Matiu 24:3 - Vato Vari Vakameka Voru Ia Batu Ne

³ Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 24:3 ပူးပေါင်းရင်းမြစ်များ

Matiu 13:36

Gonae Jesu i kasi ne qira basoero ne, mana i keba ule za loborona pade ne, disipoloro ia iri lama go de, “Sine ne qemu remu talupasana seko vapadapada na seuseu sakata na barue ne.”

Matiu 13:49

Tina gere to vapadapada dena ṉalu musaqara muzimuzi ne, ria aqelo ro ia God tarina lama vota vakuziki ne qira basoero sakata de iri koego basoero velaka ro ne,

Matiu 15:12

Gonae ria disipoloro ia, iri lama mana sine ne ia, “Vano Parisio ne iri gata pataro qo sine go aro, iri lete maqata.”

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 17:19

Taramuzina nae, ria disipoloro ia iri lama vamiki mana iri tana ne ia, “Avigo tane i makuru qemu go kakale na manuru sakata ne?”

Matiu 21:1

Ṉalu Jesu mana disipoloro ia iri za garogaroe Jerusalema, iri dokae komala Betipezi, niko garogaro go Kubolo na Olivi. Gonae Jesu i turi ne qiru karua disipolo ia tiruna za kenaqa,

Matiu 24:27

Tanego ṉalu era Tuna basoe tuna lama go, tina tatavata gere kapi tina damare go tepa keba na saṉa mana za dokae tepa zuṉu na saṉa go.

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 24:37

Pataro isadaka go ṉalu ia Noa, tina sadaka gere napua so ṉalu era Tuna basoe tuna za lama go.

Matiu 24:39

Mana iri nanao kaega so kaki pata tina doka qira, iri go, do kiale lavata ne i vapoloso qira, mana i pala vazao lupo qira. Iato nae pataro tina sadaka go ṉalu era Tuna basoe tuna ule napu mego.

Matiu 24:43

Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Luka 21:7

Gonae iri tana ne Jesu, “Valeke vari vatatana, iri go, ava ṉalu to tina lama sadaka go pataro igogo ne? Mana ava lalana tina sadaka go, go timuna mazala go mia rove na remu lama sadaka na pataro nigogo ne?”

Zazu Ria Apostoloro 1:7

Jesu i vane qira dena, “Mamae so imazala go vine na ṉalu tina doka go pataro dena, iki ramu kaega tamuna rove go ṉalu na.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.