Matiu 24:24 - Vato Vari Vakameka Voru Ia Batu Ne

²⁴ Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 24:24 ပူးပေါင်းရင်းမြစ်များ

Matiu 22:14

Valupolupona Jesu igo, “Topu ria tane God i koru bana qira go, do taravia ria so i vine qira go.”

Matiu 24:11

Goto nae topu na propeta poqepoqe ro tarina sadaka me mana topu basoero tarina vaogote vari vatatana poqepoqe ro ria go.

Matiu 24:22

Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.

Matiu 24:25

Gata! Era qa sine kenaqa bana ne qamu tarakenaqana go, tinara sadaka go pataro igogo ne.

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Matiu 24:5

Tina topu basoero tarina vazazua vitoṉoqu era, tarina go, ‘Era to Mesia!’ Mana topu basoero tarina vaogoto qira go.

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Luka 18:7

Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Tarama Velaka Ia Jesu Kristo I Karo Go Jon 4:48

Iago Jesu i vane dena ia, “Ramu basoero dena tamuna mia bana so zazu vari va poloso ia, tamuna ra vaogoto go.”

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:39

Mana pata i soko go Mamae ne, era na miasoka vavelake, niki go varore kakia basoero i teke bana nava go. Do ṉalu musaqara muzimuzi era tuna va too qira.

Zazu Ria Apostoloro 20:16

Pol i nanao niki ara toka ule za kaega Epesus, go niki za valoda ze ṉalu ro ia tepa kolabana Esia. Pol i zaza nonopa, go mara za doka katikili Jerusalema, go mara ko tavisi ṉalu musaqara Pentikoste ne, igo.

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Qalesia 4:15

Ramu qamu kula tane ṉalu nae. Do avana to idoka qamu go ramu ninidena. Era mago ṉalu nae tara malumu qamu go lobikena mata qamu, ramu tamu lobike mata qamu mana teke nava era.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Karua Pita 3:17

Do ramu turaquro, qamu rove bana pata ro dena. Iago muna miasoka va velaka napu qamu tanuqamu, niki go toqo va kasi ne qamue vaogoto qamu pala bana go.

Kameka Jon 2:18

Salero era, i garogaro to valupolupona osina pata! Ramu qamu gata bana basoe iri vitoṉo ze “Kana ia Kristo” tina lama. Mana ṉalu nindena vano kana ro ia Kristo iri lama sadaka bana to, iago ita qata rove i garogaro to lupolupona vudu pua dena.

Kameka Jon 2:22

Iago, akena to basoe poqepoqe nae? Iato basoe ni sine go, Jesu iki Kristo kaega igogo. Basoe to nae i kana iago Kristo. Tanego i sila qiru God Tamana mana Tuna.

Kameka Jon 5:18

Qata rove salero ia God iriki zazu taru ne kaega vasakata pata, tanego Sale ia God i miasoka taru qira so, go ia Satana tiniki vasakata qira kaega.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.