Matiu 24:21 - Vato Vari Vakameka Voru Ia Batu Ne

²¹ Avigo? Tanego ṉalu nae tina lete topu makuru. Tina lete sivala ne makuru ro i sadaka bana me tupiana na me kolabana pua dena. Mana kaega napu to kaki makuru igogo nae, tinara sadaka napu mego.

Matiu 24:21 ပူးပေါင်းရင်းမြစ်များ

Matiu 24:20

Pene God go ṉalu tina lama doka go pataro dena, mara kasi votoe na ṉalu lolomu ba ṉalu musaqara Sabat, go tina malumu ne qamu paqa.

Matiu 24:29

Jesu igo napu dena, “Taramuzina so makuru ro nae, saṉa ne tiniki tatavata kaega tina rodoko to, mana inaqa ne tiniki damara to kaega, domiri rona zakazaka ne tarina soru lupo me pua ne, mana osina pataro ikoego toba ne tina vizuvizu lupo.

Maka 13:9

Ramu muna miasoka qamu, tanego basoero ne tarina pala vazao qamue varitanae mana tarina zavae qamue Pade Lotu ria vano Jiu. Tarina vadegere qamue tarakenaqa qira vano batu ro mana vano batu lavata ro ne, sauna vitoṉoqu era. Do ṉalu nae ramu muna nanao avaso era mana tarama ne Tarama Velaka de iri koego basoero nae.

Luka 21:24

Kakiaro ria tarina vaevale qirae pegi loda ro, mana kakiaro tarina pala qira mana va seka qirae vudu kakavata ro, mana ria vano kakavata ro tarina lama kenaqa ne Jerusalema go tina za doka go ṉalu too ria tina za lupo.”

Kameka Tesalonika 2:16

Mana iri lete pada ne to vamamanava qemue remu, za tamana qirae vano iriki Jiu go kaega Tarama Velaka ia God, go tina vakavele qirae go vatovato dena iri lama vakube taru ze to osina vasakata pata ro ria. Iago muna ia God i lama dokae to de iri koego.

Revaleson 16:18

Torana so nae qumara lavata i naki, kapi i tatavata mana pakala i soru. Kameka nunu lavata i vizua pua ne. Pasi god i vazaria go basoe mana i taru zego vudu pua, i kaega to kaki nunu i gere go nunu lavata igogo ne.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.