Matiu 24:14 - Vato Vari Vakameka Voru Ia Batu Ne

¹⁴ Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 24:14 ပူးပေါင်းရင်းမြစ်များ

Matiu 10:7

Mana ṉalu qamu za go, muna tarama ne, Too ikoego vari miasoka ia Batu ne i lama garogaro to.

Matiu 18:19

Mana ma sine napu ne qamu, ṉalu kaki tararua raburu qaburu vari toqe ne pene na kaki pata. Mamae ikoego rani ne tina teke ne qaburu pata qaburu pene go.

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 24:6

Tamuna gata naki na kana, i garogaro e de qamu koego mana tarama na kana de laqalaqa go, do muniki vakapata. Pataro nae tina doka, do ki talupasana kaega vudu pua i vele lupo.

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 9:35

Jesu i gadoe osina to komala lavata ro mana komala suka na ro Qalili. Iza vari vatatanae Pade Lotu ro ne sauna Tarama Velaka na de go Too ikoego vari miasoka ia God. Mana i va tavoisi qira basoero i pala qira go soso mokoso ro ria.

Maka 13:10

Tanego Tarama Velaka tina tamana qirae osina basoero ne, ia tinara lama go lupo na vudu pua dena.

Luka 2:1

Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go.

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Luka 4:5

Gonae Satana i lulu vazao ze Jesu de i lete zakazaka ne, mana iva mia ze ia osina dia kolabana pua ne.

Zazu Ria Apostoloro 1:2

mana idokae go musaqara ipopoka za go rani ne. Tarakenaqana Jesu ipopoka za go rani ne, loborona karaputa ia Spirit tabo, ia i vatatana qira basoero i vine bana qira go tarina apostoloro ia.

Zazu Ria Apostoloro 11:28

Mana kaki kameka ria propetaro nae, vitoṉona Aqabus, loborona karaputa ia Spirit tabo, ia i degere, mana i sine vasadake kaki kameka saqo lavata i garogaro lama dokae na vudu pua. Mana saqo nae ilama ogoto to ṉalu Kolodias i batu lavata ego Rom ave nae.

Zazu Ria Apostoloro 17:31

Tanego God i vine bana kameka musaqara tina zazu nego varitanae ia de iri koego basoero na kolabana pua ne. Tina zazu ze loborona totoloṉo. Ia tina vazazua kameka basoe i vine bana go, basoe nae to Jesu, mana i vasadaka velaka bana ne qita go, tanego i vatoo bana ze ia tepa le ne.”

Zazu Ria Apostoloro 17:6

Do ṉalu iriki miasoba qiru go kaega, iri raqasa vasipore Jesoni mana kakiaro napu vano lotu, iri pala vazao qirae tarakenaqa qira vano batu na komala ne. Mana iri koru, iri go dena, “Basoero dena, Pol mana Banabasi go iri zazu ne pata makuru ro osina dia. Mana ninidena iri lamae to komala ita,

Zazu Ria Apostoloro 19:27

Pata mata sareki ne go ita ne, basoero ne tarina seko vasakate zazu ro ita, do miki pata nae so kaega, basoero ne tarina vapatavolomo napua so de iri vavavere ze god qole Daeana, mana karaputa ro ia tina pata volomo, do god qole dena to iri vazaka go osiqira vano na Esia mana kolabana pua ne go.”

Zazu Ria Apostoloro 20:25

“Era qa go lupoe de gamu koego, qa tarama ne de igogo vari miasoka ia God, mana ninidena qa rove, kaega kakia ramu basoero dena tamunara mia va era.

Leta Ia Pol I Karo Ne Qira Basoero Na Rom 10:18

Do era qa tana napu, avigo, i ogoto tane ria iriki gata bana go kaega tarama dena? Kaega! Iri gata bana to, gerena i sine go Buka tabo ne, “Seko ria i za banae to osina basoero na vudu pua. Mana i za dokae to valupolupona vudu pua go.”

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Iburu 1:6

Do, ṉalu God i vanama ne valame zena vudu pua dena Sale ia, ia i sine ne qira, “Osiqira aqelo ro ia tarina va batua ia.”

Iburu 2:5

God iki taru qirae kaega aqelo ro tarina kenaqa ne kolabana pua voru tinara lama go, iato kolabana pua qata seko nego dena.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.

Revaleson 16:14

Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.