Matiu 23:8 - Vato Vari Vakameka Voru Ia Batu Ne

⁸ Do ramu muniki vamao ne qira basoero ne, tarina koru qamue vano vari vatatana. Kameka basoe so i valeke vari vatatana ramu, mana ramu qamu tamakenaro so go.

Matiu 23:8 ပူးပေါင်းရင်းမြစ်များ

Matiu 10:25

I tora basoe sikulu mara gere basoe vari vatatana ia mana basoe zazu mara gere batu iago. Ṉalu go iri vitoṉo ze batu na ko tatamana ia Belzebul, nogotona tatamana ro tarina koru napu qirae vitoṉo i lete sakata sivala go.”

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 23:10

Mana basoe ne mara kasi koru qamue batu tanego kameka so basoe i Batu go, iato era to Mesia,

Matiu 23:7

Ṉalu iri zae go loborona de iri vari va volivoli ego, iri soko basoero mara vamazala qira, tarina koru qirae vano vari vatatana.

Matiu 26:25

Torana to nae, Jiudas, i tana me, “Valeke vari vatatana, avigo era ba?” Jesu i vataule ne ia, “Iato qo sine go nae.”

Matiu 26:49

Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.

Maka 10:51

Jesu i tana ne ia, “Avana qo soko go ma zazu nigo era?” Valeke kodo ne igo, “Valeke vari vatatana, era qa seko ma mimia napu” igo.

Maka 11:21

Pita gonae i nanao paqala zaqe to seko ia Jesu, iago i sine ne Jesu, “Mia valeke vari vatatana, moki piqi qo tulaṉa vale ne go aro i le go to dona.”

Maka 14:45

Pasi iri zadoka go to ne, Jiudas itotoloṉo zaso de ikoego Jesu. Igo, “Valeke vari vatatana,” Iupo nae ikuna Jesu.

Maka 9:5

Pita i seko tabe zaqe Jesu igo, “Valeke vari vatatana ilete velaka sivala remu qimu koego dena, iago remu mi zazu ne kapisa pade, kameka ke raro, kameka ke ia Mosese mana kameka ke ia Ilaiza.”

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Tarama Velaka Ia Jesu Kristo I Karo Go Jon 1:38

Jesu i tabali mana i mia qiru iru kale muzi ne, i tana ne qiru, “Avana tane qaburu taqia go?” Iru vataule ne, “Rabae! Ade tepa tane qo koego na?” Seko ‘Rabae’ dena talupasana, “basoe vari vatatana.”

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 11:8

Do disipoloro ia iri go de, “Valeke vari vatatana, ara aqe so basoero na Judia iri soko vana goe ipaka, mana avigo tane qo nanao go tatana ule napu za go?”

Tarama Velaka Ia Jesu Kristo I Karo Go Jon 20:16

Jesu igo de, “Maria!” Maria i tabali za de ikoego ia mana igo, “Raboni!” Seko Iburu ne italupase, ‘Valeke vari vatatana.’

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Tarama Velaka Ia Jesu Kristo I Karo Go Jon 3:26

Iago iri zae de koe Jon na bapitema mana iri sine ne ia, “Valeke vari vatatana, avigo qo nanao tarua valeke ikoego kene tepa na uguru Jodan, ṉalu qo pepeu ne qira basoero ne sauna ia? Ninidena valeke nae i bapitema qira to basoero ne, mana topu ria iri zae de ikoego iago.”

Tarama Velaka Ia Jesu Kristo I Karo Go Jon 4:31

Torana i ule za go komala lavata qole ne, ria disipoloro ia, iri sine ne ia, “Valeke vari vatatana, ge kadia pata gege,” iri go.

Tarama Velaka Ia Jesu Kristo I Karo Go Jon 6:25

Basoero ne iri za soba, ze Jesu kene tepa na masi pipika ne, mana iri vane de ia, “Valeke vari vatatana, ade torana bana tane qo lama dokae dena?”

Tarama Velaka Ia Jesu Kristo I Karo Go Jon 9:2

Ko disipoloro ia iri tana ne ia, “Valeke vari vatatana, ake vasakata pata ia tane i va kodo go valeke dona, tanuna ba vanovano ia?”

Karua Korinti 1:24

Remu qiki soko ne kaega vele batu ne na vaogoto ra ramu, qi rove ramu qamu degere vanadue vaogoto ramu, ba remu qi zazu tavisi ne qamu so sauna kulakula ramu.

Karua Korinti 4:5

Tanego remu qiki tarama ne kaega tanuqemu, do qi tarama ne Jesu Kristo i Batu go, mana remu qi vano zazu ra ramu, tanego i sauna Jesu.

Epesus 3:15

Mana de ikoego ia osina tatamana na rani mana pua dena iri pala ze vitoṉo ogoto qira.

Pilimon 1:16

Mana ninidena Onisimusi iki valeke seka aro so kaega, do i lete lavata sivala ne basoe lotu, ia i basoe lotu i vakitake Kristo go. Era qa lete soko ia, do qa nanao soko aro tina sivala ne soko era, tanego Onisimusi i kaki valeke zazu aro mana qaburu tamakenae de ikoego Batu ne.

Jemisi 3:1

Ramu turaquro, iki tora kaega topu ramu muna lama vari vatatana go. Tanego ṉalu na varitanae ia God tina lavata sivale de iri koe go vano iri vari vatatana go, mana de iri koe go basoero tina suka.

Kameka Pita 5:3

Mana kasi nanao na lete batu sivala ne qira basoero qamu miasoka qira go, do muna va mia qirae vatovato velaka ro ramu, go tarina lulua go.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”