Matiu 22:16 - Vato Vari Vakameka Voru Ia Batu Ne

¹⁶ Gonae iri turine qira kakiaro disipoloro ria mana kakia ro vano iri koego taotao ia Erode, iri za tana ne Jesu, iri go, “Valeke vari vatatana, remu qi rove aro qo kakia basoe totoloṉo. Mana qo vari vatatana ne pata ogoto de go vatovato ia God, mana qoki vakapata kaega nanao qira basoero.

Matiu 22:16 ပူးပေါင်းရင်းမြစ်များ

Matiu 22:24

“Valeke vari vatatana, Mosese igo, ṉalu kaki valeke busi ile do i kaega ne sale gogo ne, kaena valeke nae tina busi napua nanaro na togana, go sale tiruna vapodo go tina sale ia valeke ni le go.

Matiu 22:26

Gonae i vari pada lupo so de iru koe go varuana mana vapisana ne, mana osiqira to tamakena taravitu i varipada lupo so, mana iri le lupo go.

Matiu 26:18

Jesu i sine ne qira, “Zae komala lavata ne, za mia valeke qa rove go era, mana sine ne, ‘Valeke vari vatatana ne igo, ṉalu era i garogaro to, iago era mana disipoloro era timuna ge ze pata gege na Pasova dena loborona pade aro.’ ”

Matiu 26:49

Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Maka 12:13

Vano batu ro ria vano Jiu iri vazao qira kakiaro vano Parisio mana basoero ia Erode de ikoe Jesu, go mara ria tana va soru ze ia tana dena iri go.

Maka 12:14

Ṉalu iri za lamae de ikoe ia iri vane dena, “Valeke vari vatatana, remu qimu rove pataro qo sine go aro itotoloṉo lupo so, mana qoki tavisi kale ne kaega kaki basoe, do qo vari vatatana ne so pataro mara zazu nego basoero igogo God. Iago, sine ne qemu remu, avigo itotoloṉoe tamana ita, tane tatana volia takisi de ikoego batu lavata Siza, ba kaega?”

Maka 3:6

Gonae vano Parisio iri kasi ne Pade Lotu ne mana iri za soba qira vano mazala ro ia batu lavata Erode. Ria iri za kameka vatovato mana vanama neto vae vale na Jesu.

Maka 8:15

Iago Jesu iva banabana qira igo, “Muna miasoka isti ria vano Parisio mana isti ia Erode go.”

Luka 20:21

Basoero iri voli qira go iri sine ne Jesu, “Valeke vari vatatana remu qi rove, pataro qo sine go aro mana qo vari vatatana nego i velaka lupo so. Qi rove aro qoki tavisi kale ne kaega kakia basoe, do qo sine so pata mara zazu ne basoero, igogu God.

Luka 7:40

Jesu i seko mana igo dena, “Saimon, era i konava kaki pata tuna sine nigo aro.” Saimon igo, “I velaka valeke vari vatatana, sine nava.”

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Tarama Velaka Ia Jesu Kristo I Karo Go Jon 7:18

Ṉalu ka basoe i seko ne so karaputa ia so tanuna, basoe nae i soko so vazakazaka na tanuna. Do ṉalu basoe nae i soko go basoero tarina vazakazaka ia ni turine mego, basoe nae i seko ne pata ogoto mana iki poqe kaega go.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Karua Korinti 4:2

Qimu vana lupo ne pata pipika remu, too ba vatovato i mazala go vamaqate na basoe, qiki zazu tatakiu kaega ba itana vasakatena seko ia God. Loborona tatavata ogoto remu i koe de ikoego God, mana qi padane vasadakena vatovato velaka mana too totoloṉo, de iri koego basoero i velaka go vatovato mana too ria go.

Karua Korinti 5:16

Ninidena qatiki ara toere kaega too ia basoe na pua de, patavolomo kameka ṉalu qata toere go too ia Kristo gerena too ia basoe. Pasi dena remu qiki zazu ne to kaega too igogo ne.

Qalesia 1:10

Zazaona pata dena era ma vakula basoe qa go ba? Kaega! Pata qa soko go era, go ma vakula God qa go. Ba qamu nanao, go basoero ne mara vazakava qa go? Kaega! Ṉalu tina gogo nae, era qaki basoe zazu ogoto bana ia kaega Kristo go.

Qalesia 2:6

Basoero nae iri mimia mazala, do iriki kavele kaega Tarama Velaka, qa seseko nego era. Patavolomo iri mazamazala ba kaega, era qaki vakapata qira so kaega. Tanego de ikoego God osiqira basoero i varitora lupo neso.

Kameka Tesalonika 2:4

Kaega! Remu osina ṉalu qimu seko ne so pata i soko go God timuna sine go, tanego ia i mia vatora qemue remu timuna seko ne go Tarama Velaka dena. Remu qimuki soko kaega vakula na basoe, do qi soko vakula na God ia i mia mego pata ikoego loborona puṉu qemu.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.