Matiu 22:13 - Vato Vari Vakameka Voru Ia Batu Ne

¹³ Gonae batu lavata ne i sine ne qira vano zazu ia, ‘Lama qolo karua karisina mana makena valeke dena, mana vana qa zaqe peka ne de i rodoko go. De go tina za dae ma vari kizakiza ne saqe na go.’ ”

Matiu 22:13 ပူးပေါင်းရင်းမြစ်များ

Matiu 12:29

Ṉalu ka basoe i soko keba za na pade ia kaki valeke karaputa go mara za siko igogo ne, kenaqana tina qolo taru ne tekere valeke karaputa nae, goto nae iara mazala go siko na pataro i koe go loborona pade nae.

Matiu 13:30

Taru qiru mara riru podo so, go na doka so ṉalu tina ṉara go ure na vuiti ne. Ṉalu nae to tuna ara sine ne qira go vano zazu era, tarina rapusu kenaqe seuseu sakata ne mana kameka poke ne qira mana subi zaqe nako ne, taramuzina ṉara vae vuiti ne mana babana ze pade tarutaru pata gege era go.’ ”

Matiu 13:42

Mana tarina vanaqe qira qe nako i lete ila sakata go, de go tarina za dae mana vari kizakiza ne saqe qira go.

Matiu 13:50

mana tarina vana qira qe nako ilete ila sakata go, de go tanna dae mana vari kizakiza ne saqe qira go.”

Matiu 24:51

Batu ia ne, tina lete va kimate valeke zazu nae, mana tina za taru ze ia de iri koego vano iri poqepoqe go. Dego tina za dae mana vari kizakiza ne saqe na go.”

Matiu 25:30

Valeke zazu sakata dena ne, vanaqe zaqe ia pekapeka de i rodoko go, de go tina za dae mana vari kizakiza ne saqena.’ ”

Matiu 8:12

Do basoero ivine bana qira go God tarina koego Too ikoego vari miasoka ia ne, ria nae to God tina kale vasiporo napu qira qe de i rodoko go. Dego tarina za dae mana vari kizaka ne saqe qira go.”

Luka 13:28

Ramu tamuna dae mana vari kizakiza ne saqe qamu, ṉalu tamuna mia Abra-am, Aisak mana Jekop mana propeta ro iri koego Too ikoego vari miasoka ia God. Do ramu tarina kakale vasiporo qamue komala nae.

Tarama Velaka Ia Jesu Kristo I Karo Go Jon 21:18

Masine nigo pata ogoto, ṉalu qo ara basoe voru go, tanumu so qo buka zigoe beloto aro, mana qo zae de qo soko go zaena tanumu go, do ṉalu qo kazigarata go, tono kazara ne zaqe karisimu de i koego kaki basoe kakavata, mana tina vazao ge aro, de qoki soko go kaega tono zae go.”

Zazu Ria Apostoloro 21:11

Ia ilamae de qimu koego remu, i pala beloto ia Pol i vabeloto ze makena mana karisi na tanuna, igo dena, ‘Ta dena to pata i sine go Spirit tabo. Ria vano Jiu iri koego Jerusalema tarina qolo vane dena ia itoṉove go beloto dena, mana tarina vazao ne qira vano iriki Jiu go kaega.”

Zazu Ria Apostoloro 7:54

Vano iri koego loborona pepeu ne iri gata seko ro ia Sitivini, iri lete muma sasakata.

Karua Tesalonika 1:9

Mana vokara na kimata tarina pala go, tina lete vasakata sivala qira, mana tiniki rove to kaega lupo. Tarina ko kakavatae de ikoego Batu ne, mana tariniki mia to kaega menomeno na karaputa iago.

Karua Pita 2:17

Vano vari vatatana poqepoqe dena iri gere besi vuala i kadala go, mana iri gere tuqi lavata ikiuru vanaqe go sokoro lavata. God i vanama bana ne qira kameka dia ilete rodoko sivala go.

Karua Pita 2:4

God i vakimata qira aqeloro ne ṉalu iri legulegua go. I vana qira qe nako de i rodoko go, go tina doka go ṉalu tina varitanae ne qira go osina basoero ne.

Judi 1:13

Ria basoero igogo dena too vari va agava iri zazu ne go, iri gere so oba zavarata isasapa i za pala me soso sinaqe na uzaka ro mana lama taru ze rikisi go. Iri gere domiri ro iri kasi ne de koko ria gonae God itaru qira qe kaki dia i rodoko tarina koe go osina ṉalu.

Judi 1:6

Muna nanao taru napua, aqeloro ne God iteke napu ne qira so karaputa mazala ro ria, do kakiaro ria iriki soko kaega, gonae i va kasi ne qirae de koko velaka ro ria. God i doki taru qira e seni mana taru qira qe bolu i rodoko, go tina za doka so ṉalu musaqara lavata God tina varitanae ne qira go osina basoero ne.

Revaleson 21:27

Do pataro iki dalo go kaega, mana basoero iri zazu taru nego pata sakata ro ba iri poqepoqe gogo ne, tariniki keba za kaega komala dena. Do basoero i karo ego vitoṉo qira buka na too i pala go Tunana Sipi ne so tarina keba zago komala lavata dena.