Matiu 21:31 - Vato Vari Vakameka Voru Ia Batu Ne

³¹ Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 21:31 ပူးပေါင်းရင်းမြစ်များ

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 18:3

Mana i sine ne qira, “Ma sine ne qamu pata ogoto, ṉalu qamuki kavale kaega vatovato ramu, mana gere qira kaega salero suka gogo ne, ramu tamuniki mazala kaega keba zana Too de ikoego vari miasoka ia God.

Matiu 20:16

Mana valupo lupo na Jesu igo, “Ria iri muzi go ninidena tarina za kenaqa, mana ria iri kenaqa go ninidena tarinara za muzi go.”

Matiu 21:30

Gonae i sine napu ne varuana sale ia seko i sine bana ne go ke kenaqa ne, i vataule, ‘Ove naza igo’, do iki za kaega.

Matiu 5:18

Ma sine ne qamu pata ogoto, tina doka ṉalu rani, mana pua tiruna lupo, do kaega kaki desuka seko na Tamana tina kuziki go, ṉalu tina lupo go osina pataro.

Matiu 5:46

Ṉalu qamu mamaligara ne qira so ria iri mamaligara ne qamu, avigo qamu nanao God tina tekeme qamu voli na? Ria vano palapala takisi do iri zazu neso vatovato igogo ne.

Matiu 6:5

Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Matiu 9:9

Ṉalu Jesu i kasine dego go ne i mia kaki valeke i palapala takisi, vitoṉo na Matiu i kolokue pade i zazu ego. Gonae Jesu i sine ne Matiu, “Lama ono lulu ava era”. Matiu i degere mana i lulua Jesu.

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Luka 19:22

Batu ne i sine ne ia, ‘Qo valeke sakata, era tuna va zazua sekoro qo sine gonae, tuna valepulepu zigoe, aro qo rove bana so, era qa valeke makuru qa pala pata qaki toṉove kaega, qa vae pata qaki leba go kaega.

Luka 7:29

Ria basoero mana vano palapala takisi iri gata go ia, iri toqe ne vatovato velaka ia God mana iri bapitema e de ikoego Jon.

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Leta Ia Pol I Karo Ne Qira Basoero Na Rom 3:19

Ninidena ita qata rove osina pata i koe so loborona tamana, mana i zaeto de iri koe go vano iri too e go polana tamana go tina vamamanava go osina seko vavariqo ria basoero ne, mana vasadaka me varitanae ia God de iri koego basoero na vudu pua.

Leta Ia Pol I Karo Ne Qira Basoero Na Rom 5:20

Ṉalu God i valame go Tamana basoero ne iri lete zazu va popokato zazu sakata. Do ṉalu vasakata pata i zaza popoka, Mana ia God i lete zaza popoka sivala to go.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.