Matiu 20:23 - Vato Vari Vakameka Voru Ia Batu Ne

²³ Jesu i sine ne qiru, “Pata ogoto raburu taburu na besi napua so kapu era. Do vine na kaki tina koloku e go tepa matauqu ba tepa gede qu gogo ne, iki era kaega tuna vine go. Mamae so tina teke ne qira de koko igogo ne, de iri koego basoero ivine bana qira tanuna.”

Matiu 20:23 ပူးပေါင်းရင်းမြစ်များ

Matiu 13:11

Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Matiu 20:24

Ṉalu ria manoga disipoloro ne iri gata seko pene nae, iri muma ne qiru karua tamakena ne.

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Maka 10:40

Do kolokue na tepa matauqu mana tepa gedequ ne, iki era kaega tuna vine go, do God iko nego velaka go tina teke ne go kolokoloko nae basoero ni vine bana ne qira go.”

Zazu Ria Apostoloro 12:2

I sine ne qira basoero ia, tarina vae vale ze peqi loda Jemisi, iru tamakena go Jon.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Karua Korinti 1:7

Qi rove ramu qamu pala tavise vokara ro qi pala go remu, mana qamu pala tavisi napu so vari vatatavisi qi pala go remu, iago nanao qemu remu deqamu koego ramu iara nadu so.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.