Matiu 20:16 - Vato Vari Vakameka Voru Ia Batu Ne

¹⁶ Mana valupo lupo na Jesu igo, “Ria iri muzi go ninidena tarina za kenaqa, mana ria iri kenaqa go ninidena tarinara za muzi go.”

Matiu 20:16 ပူးပေါင်းရင်းမြစ်များ

Matiu 19:30

Do topu basoero iri kenaqa go ninidena tarina ra muzi, mana topu basoero iri muzi go ninidena, tarina ra za kenaqa go.”

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 22:14

Valupolupona Jesu igo, “Topu ria tane God i koru bana qira go, do taravia ria so i vine qira go.”

Matiu 7:13

Jesu i sine napua, “Muna keba goza loborona siporaṉa suka. Zuka ilulu za nako ne i papaqa lavata. Topu ria basoero iri keba goza siporaṉa gogone.

Maka 10:31

Basoero iri kenaqa go ninidena, tarina za muzi kene ṉalu, ba basoero iri muzi go ninidena tarinara za kenaqa to kene ṉalu.”

Luka 14:24

Ma sine ne qamu, kaega so kakia ria basoero qa koru kenaqa qira go tarina qe go kelo rera.’ ”

Luka 15:7

Gerena so qa sine ne qamu, ria iri koego rani ne tarina kula sivala ne de ikoego kameka basoe i manava sakata nego vasakata pata ia. Kula nae tina lete sivala ne iaṉaulu kaia vano iri nanao velaka, i kaega kapata tarina manava sakata nego.”

Luka 7:47

Iago ma sine nigo, ia i lete mamaligara nava era, iva sadaka vasakata pataro ia iri lete topu, do ninidena era qava kuziki lupo ne. Ṉalu God i vakuziki ne vasakata pata suka de ikoe kaki basoe, basoe nae i mazala so soso ne mamaligara suka ia de qa koego era.”

Leta Ia Pol I Karo Ne Qira Basoero Na Rom 5:20

Ṉalu God i valame go Tamana basoero ne iri lete zazu va popokato zazu sakata. Do ṉalu vasakata pata i zaza popoka, Mana ia God i lete zaza popoka sivala to go.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Leta Ia Pol I Karo Ne Qira Basoero Na Rom 9:30

Iago, pata qi sine go vano iriki Jiu go kaega iriki pada ne kaega vatotoloṉo na tanuqira de ikoego God. Do ria iri vatotoloṉo ze tanuqira de ikoego God loborona vaogoto ria.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.